மதவாதமும் மனநோயும்

மனநோய் என்பது மனதில் ஏற்படும் தடுமாற்றங்களாலும் ஒரு செயல் ஏற்படுத்திய பாதிப்பாலும் ஏற்படுகிறது என மருத்துவர்கள் சொல்லுகிறீர்கள் . அப்படி மனநோய் ஏற்படும் போது நல்லது எது கேட்டது எது என்பதை தெரிந்து கொள்ளும் பகுத்தறிவு மழுங்க பட்டு விடுகிறது . இதனால் என்ன செய்கிறோம் என்பது அறிவுக்கு தெரியாமல் சமூக சீர்கேட்டை விளைவிக்க தோன்றும் .

இன்றைய உலகில் கடவுளின் பெயரை சொல்லி பிழைப்பை நடத்துகிறவர்கள் ஒருபுறம் . கடவுளின் பெயரால் வன்முறையை துவக்குகிறவர்கள் ஒரு புறம் . இன்றைய மனிதன் தான் மனிதன் என்ற அடையாளத்தை விட அதை தாண்டிய ஒரு அடையாளம் தேவை என உணர்கிறான் . அதன் அடிப்படையில் மதம் என்ற ஒரு குறுகிய வட்டத்துக்குள் ஒளிந்து நின்று நான் அந்த மதம் இந்த மதம் என்று பெருமை கொள்வதாய் நினைக்கிறான் .

ஆனால் கடவுள் என்ற ஒரு நிலையை அறிமுகபடுத்திய யாரும் நாளை உலகம் இப்படி மாறும் என நினைத்து அறிமுக படுத்தியிருக்க மாட்டார்கள் . மாறாக மனிதனை நல்வழி படுத்தவே தோன்றியிருக்க வேண்டும் .

எந்த மதமும் வன்முறையை வாழ்க்கையாக எடுத்துரைக்கவில்லை . ஒவ்வெருவரும் தன் மதத்தை வளர்க்க வேண்டும் என நினைக்கிறார்களே தவிர அந்த மதத்தின் நல்ல செயல்களை கடைபிடிப்பதாக தெரியவில்லை . மற்றவர்களுக்கு நான் இந்த மதம், அந்த மதம் என தெரியவேண்டும் என்பதற்காக அடையாள படுத்துகிறார்கள் . தன் மீதும் தன் முயற்சி மீதும் வைக்க வேண்டிய நம்பிக்கையை விட்டு கடவுள் மீது நம்பிக்கை வைக்கின்றனர் . ஒரு தவறு செய்தால் கூட கடவுள் ஏன் இப்படி செய்துவிட்டார் என்று கடவுள் மீது பழிபோடுகிறார்கள் . இப்படி தான் செய்யும் ஒவ்வெரு அயோக்கியத்தனத்துக்கு காவலாக கடவுளை வைத்திருக்கிறார்கள் .

கடவுள் பெயராலும் மதத்தின் பெயராலும் தினம் தினம் பல உயிர்களை பலி கொடுக்கிறார்கள். கடவுள் மீது இருக்கிற அக்கறையை மற்றவர்களின் மீது காட்டுவதில்லை . இந்த வகையில் தான் மதவாதிகள் (அதாவது மனநோயாளிகள் ) இன்னொரு மதத்தின் மீது வன்முறையை கட்டவிழ்த்து விடுகின்றனர் .

ஏன் இப்படி இவர்கள் இருக்கிறார்கள் என பார்க்கும் போது அவர்கள் மனதை பாதித்தது மதம். மதம் எப்படி யானைக்கு வந்தால் பாகனை கூட தெரியாதோ அதேபோல் தான் மதவாதம் என்னும் மனநோய் மனிதனுக்கு வந்துவிட்டால் அவனும் மனிதன் என்பது மறந்து போகும் . எந்த மனிதனுக்கும் ஆத்திரம் என்பது சுயநினைவு குறையும் போது தான் ஏற்படும் . சுயநினைவு குறையும் போது மனநோய் வரும். இப்படி வரும் மனநோயால் தான் மனிதாபிமானம் இல்லாமல் போகிறது .
மதத்தை பின்பற்றுங்கள் தவறு இல்லை நம்பிக்கை என்பது உங்கள் மேல் வையுங்கள், உங்கள் மதம் சொல்லியிருக்கும் நல்லதை மட்டும் வாழ்க்கைக்கு பயன்படுத்துங்கள் , மனிதனுக்கு மனிதன் உதவுங்கள், மனிதாபிமானம் மண்ணில் வளர்ந்தால் மதம் நமக்கு தேவையில்லை.

மனநோய் மாறட்டும் மனிதநேயம் பரவட்டும்.

Read More

பயம் நம்மை துரத்துகிறதா?

ஒவ்வெரு மனிதனின் வாழ்க்கையிலும் பயம் சில நேரங்களில் துரத்துகிறது .

எதனால் பயம் ஏற்படுகிறது ,ஏன் பயம் என்னை துரத்துகிறது ,பயம் என்பது சில நேரங்களில் என்னால் எதையும் சாதிக்க முடியாமல் ஆக்கிவிடுகிறதே ,என்று சில சூழ்நிலைகளில் நாம் சிந்திப்போம் ,இனி இந்த பயம் நீங்க நாம் என்ன செய்ய வேண்டும் பயத்தின் விளிம்பிலிருந்து எப்படி நழுவுவது என்பதை பற்றிய ஆய்வு கட்டுரை ..........................

எந்த சூழ்நிலையில் பயம் ஏற்படுகிறது

இதனுடைய சூழ்நிலையும் மனதில் ஏற்படும் மாற்றங்களே .பொதுவாக நாம் எந்த காரியத்தில் பயப்படுகிறோமோ அதை பற்றி நம் எண்ணும் சில தவறுகள் ,நாம் மற்றவர்களுக்கு தீங்கு விளைவிக்கும் போது அந்த தீங்கு அவனை எட்டும் முன்னால் ஏற்படும் ஒரு பயம் ,நாம் நம்முடைய வேலையிலாக இருந்தாலும் ,நம்முடைய கடமையிலாக இருந்தாலும் நாம் எப்போது தவறுகிறோமோ அப்போது ஏற்படுகிற பயம் ,நாம் பழைய நிலையிலிருந்து மாறும் போது ,போக கூடாத இடங்களுக்கு போகிறபோது ,பார்க்க கூடாததை பார்க்கும் போதும் , நாம் இருக்கிற சூழ்நிலைகள் ,நாம் செல்லவேண்டிய இடங்களுக்கு போகிற நேரங்கள் இப்படி பல சூழ்நிலைகளில் பயம் நம்மை துரத்துகிறது .

பயத்தினால் ஏற்படும் மாற்றங்கள்

பயம் என்பது நாம் பயணிக்கின்ற பாதையை மாற்றி விடுகிறது ,நம்முடைய குறிக்கோளை மாற்றி விடுகிறது ,நம்மில் இருக்கும் துணிச்சலை மாற்றி விடுகிறது ,நம்முடைய திறமையை இந்த உலகம் காணாமல் ஆக்கி விடுகிறது ,நம்முடைய சுறுசுறுப்பை நிறுத்தி விடுகிறது ,நமக்கு உடல் ரீதியாக சில மாற்றங்களை உருவாக்கி விடுகிறது இதில் ஒன்று தான் நரம்பு தளர்ச்சி ,அதிகமான வியர்வை ,நாம் என்ன செய்கிறோம் என்பதே தெரியாமல் நம் அறிவு மழுங்கிவிடுகிறது ,அந்த நேரத்தில் நாம் செயல் படுகிற விதமே மற்றவர்களுக்கு நகைப்புக்குரியதாகிவிடுகிறது .இந்த அளவுக்கு நம் நம்மில் மாற்றத்தை ஏற்படுத்துகிற இந்த பயத்தின் செயலை கட்டுபடுத்தியாக வேண்டாமா? நல்லவை செய்யும் போது பயம் நம்மில் வராமல் இருக்க நாம் என்ன செய்ய வேண்டும் .

பயத்தை துரத்த வழிகள் இருக்கிறதா ?

ஆம் இருக்கிறது பயத்தை துரத்தும் வழியை பார்போம் . முதலில் நாம் செய்கிற செயலின் குறிக்கோள் என்ன என்பதை சிந்திக்க வேண்டும் . நாம் செய்கிற செயலினால் நமக்கு ஏற்படுகிற இழப்புகள் ,நமக்கு கிடைக்கிற சன்மானங்கள் , நாம் அதனால் போகிற உயரங்கள் , நாம் அடைகிற லட்சியங்கள் ,நம்மால் மற்றவர்கள் அடையும் பயன்கள் , இவற்றை பற்றிய தெளிவான சிந்தனை நமக்கு இருக்க வேண்டும் . உதாரணமாக சிலர் சிறு வயது முதல் சில லட்சியங்களோடு இருப்பார்கள் அதாவது இந்த தூரத்தை அடையவிடாமல் பயம் தடுத்து விடுகிறது . எந்த சூழ்நிலையானாலும் நம்மால் பயமின்றி நம் குறிக்கோளை அடைய முடியும்நம் லட்சியங்களை எட்ட முடியும் . எப்போதுமே நாம் பயணிக்கின்ற பாதை நல்ல பாதையாயிருந்தால் அதில் இழப்பை பற்றிய கவலையை விட்டு விடுங்கள் , நீங்கள் பயணிக்கின்ற பாதை தவறானால் அதை மறு பரிசீலனை செய்து விடுங்கள் . நீங்கள் பயணிக்கின்ற பாதை , உங்கள் லட்சியம் , நீங்கள் எடுக்கிற முடிவுகள் , உங்கள் நிலையில் பயனுள்ளதென்றால் அதை எதற்காகவும் விடவேண்டாம் (மற்றவர்களுக்கும் நமக்கும் நன்மை பயக்கும் போது ) நம்முடைய லட்சியம் உயர்ந்ததாய் இருக்கட்டும் . இந்த வழிகளை நாம் பின்பற்றும் போது நம் வாழ்வில் பயம் நம்மை துரத்தாது .பயத்தை நாம் துரத்திவிடலாம் .நீங்க தயாரா பயத்தை விரட்ட ! தன்னம்பிக்கை உங்களுக்கு இருந்தால் வாழ்க்கை நம் கையில் .

Read More

எதனால் இப்படி ?

கிழிந்த சட்டையும் எக்கி போன வயிறுமாய் நான்கு அடி உயரம் கூட எட்டாமல் ஆனால் வயது மட்டும் இருபதை தாண்டிய ஒரு வாலிபன் இந்திய ராணுவத்துக்கு ஆள் சேர்க்கும் மைதானத்தின் எல்லையில் நின்றிருந்தான் . கண்களில் சாதாரணமாக இருக்கும் கருமை தாண்டி பார்த்தல் இது தான் சிவப்பா என கேட்க தூண்டும் . கைகளில் ஒரு சோர்வு , கால்கள் இவன் கட்டுபாட்டை தாண்டி நடனமாடி கொண்டிருக்கிறது . உள்ளே நாளைய ராணுவ வீரன் என்ற கனவுகளோடு தேர்வுக்கு தயாராகி கொண்டிருக்கிறது ஒரு கூட்டம். சிலர் தேர்வுக்கு பங்கு பெற சென்று கொண்டிருக்கிறார்கள் இவன் நிற்கும் இடத்தை கடந்து . இவனை கடக்கும் போது முறைத்தே பார்த்தான் அவர்களை. உடலுக்குள் இனி ஏதாவது தண்ணீர் இருக்குமா ? என்று தெரியாத அளவுக்கு உடல் முழுவதும் வழிந்த வியர்வை அவன் அந்த ஆடையையும் நனைத்தது ................
இந்த நேரம் அனைவருமே தான்தேர்ச்சி பெறுவேனா என்ற மன ஓட்டத்தில் இருப்பார்கள் . இவனுக்கு என்ன ? இவனின் உயரத்தை பார்த்தல் இவன் அதில் கலந்து கொள்ள தகுதியில்லை . ஏன்? ..........ஏன்? இத்தனை கலக்கம் இவனுக்குள் . எதனால் இப்படி ?...............................
இன்று எந்த மனிதனாக இருந்தாலும் சில நேரங்களில் தன்னுடைய தகுதியை நினைத்து வருத்த படுகிறார்கள் . நான் அவனை போல் வர முடியவில்லையே. அவனுக்கு தெரிந்தது எனக்கு தெரியவில்லையே . அவன் என்னை விட உயர்ந்தவனாக இருக்கிறானே . நான் எப்படி அவனுடன் சரி சமமாக இருப்பது என்ற தாழ்வு மனப்பான்மை நம்மை சில நேரங்களில் புரட்டி போடுகிறது . என்னால் முடியுமா என்ற கேள்விகள் நம் மனதில் எழும் போது முயற்சிப்போம் என்பதை விட்டு விட்டு முடியாது என ஒதுங்கி போவது உண்டு .தாழ்வு மனப்பான்மையை நம் மனதிலிருந்து மாற்றுவது மிகவும் இன்றியமையான ஓன்று ............
தாழ்வு மனப்பான்மை எந்த சூழ்நிலைகளில் வருகிறது என்பதை தெரிந்து கொள்வோம் . நாம் சிறுவர்களாக இருந்தாலும் சரி நாம் பெரியவர்களாக இருந்தாலும் சரி ,நாம் ஏழையாக இருந்தாலும் சரி நாம் பணக்காரர்களாக இருந்தாலும் சரி, நாம் படித்தவர்களாக இருந்தாலும் சரி நாம் படிக்காதவர்களாக இருந்தாலும் சரி எந்த வித்தியாசமும் இல்லாமல் சில நேரங்களில் நம்மில் தோன்றும் . நம்மை விட பேச்சு திறமை கூடியவர்களுடன் பழகும் போதும் , நம்மை விட உடையலங்காரம் செய்திருப்பவர்களுடன் பயணிக்கும் போதும் , மற்றவர்கள் செய்யும் கேலி கிண்டல்களை பொறுத்துக்கொள்ள முடியாத போதும், நம் திறமை நமக்கு தெரியாத போதும் , நம்மில் நமக்கு நம்பிக்கை குறையும் போதும் தாழ்வு மனப்பான்மை ஏற்படுகிறது .
தாழ்வு மனப்பான்மை இருந்தால் நமக்கு என்ன என்று ஒதுங்கி போக முடியாது . ஏனெனில் இந்த தாழ்வுமனபான்மை சில நேரங்களில் நமக்கு வரவேண்டிய வாய்ப்புகள் மற்றவர்கள் கைக்கு செல்ல நேரும். நமது லட்சியங்களுக்கு தடையாகவும் இருக்கும் . மற்றவர்களின் மீது கோபம் அதிகரிக்கும் . திறமை தாழ்ந்து போகும் . மற்றவர்களின் முன்னால் சென்று நிற்க முடியாத சூழ்நிலைகள் ஏற்படும் . நமது திறமையை வெளிப்படுத்த முடியாத நிலை ஏற்படும் . மற்றவர்களிடம் நம்மை பற்றிய தவறான எண்ணங்கள் உருவாகும் . உலகத்தின் மீதான நம்பக தன்மை நமக்கு ஏற்படும் .எதற்கு நாம் வாழ்கிறோம் என்ற நிலை கூட சில நேரம் ஏற்படும்.
தாழ்வுமனபான்மை ஏற்படாமல் இருக்க என்ன வழி ?........... உங்களுக்கு நீங்கள் எவ்வளவு மதிப்பெண் கொடுத்திருக்கிறீர்கள் ? மற்றவர்களையும் உங்களையும் ஒப்பிட்டு பார்க்கும் போது எப்படி பார்க்கிறீர்கள் ? இதற்கு உங்களின் பதில் உங்களுக்கு சாதகமாக இருக்கும் படியாக அமைத்து கொள்ளுங்கள் . நமக்கு தகுதி இருக்கிறதா என்ற கேள்வி அந்த பணியை வெற்றியாக்கும் முயற்சிக்கு மட்டும் பயன் படுத்துங்கள் . எந்த செயல் துவங்கும் முன்னாலும் மற்றவர்களை ஒப்பிடுவதை விட்டு விட்டு உங்கள் மீது நம்பிக்கை வையுங்கள் . (அவன் வெற்றி பெற்றுவிடுவானா அல்லது அவன் தோற்று விடுவானா என்பதை விட்டு விட்டு நான் வெற்றி பெற வேண்டும் என முயன்று பாருங்கள் ) அவர்கள் ஏதாவது தவறாக நினைத்து விடுவார்களோ என பேச வந்ததை பேசாமல் விடாதீர்கள் பேசாமல் இருந்தால் தான் தவறாக நினைப்பார்கள் . தன்னம்பிக்கை உனக்கிருந்தால் தவிடுபொடியாக்கும் தாழ்வு மனப்பான்மையை ......

Read More

தன்னம்பிக்கை

தன்னம்பிக்கை தொடரில் இன்று தூக்கமின்மை

இன்று பெரும்பாலானோர் தூக்கமின்மையால் அவதி படுகின்றனர் .

தூக்கமின்மை எதனால் இதன் காரணம் என்ன ? நிம்மதியான தூக்கம் வர என்ன செய்ய வேண்டும் என்பதை பற்றிய ஆய்வு கட்டுரை .

• தூக்கமின்மையின் காரணம்

ஒரு மனிதன் படுத்த உடனே அவனுக்கு தூக்கம் வந்ததென்றால் மறுநாள் அவனுக்கு சோர்வு இருக்காது , மனதில் ஒரு புதிய மகிழ்ச்சி காணப்படும் .
இதன் முக்கிய சில காரணங்களை எழுதியிருக்கிறேன் .முதலாவதாக மனதில் ஏற்படும் மாற்றங்கள் ,அந்த நாளில் நம்மில் ஏற்படும் அதிக படியான மகிழ்ச்சி ,நம்மில் ஏற்படும் அதிகபடியான கவலைகள் ,நாளை மிக பெரிய பிரச்னையை நாம் சந்திக்க இருக்கிறோம் எப்படி என்னால் இதை சந்திக்க முடியும் என்ற கவலை ,நாளை நான் ஒரு புதிய மாற்றத்தை எதிர் நோக்கி இருக்கிறேன் இது என் வாழ்வின் திருப்பு முனை சூரியன் விரைவில் வந்தால் தானே என்னால் சாதிக்க முடியும் எப்போது காலை வரும் என்ற ஏக்கம் ,உடலில் ஏற்படும் மாற்றங்கள் இவைகளினால் தூக்கம் தடை படுகிறது .

• தூக்கமின்மையால் ஏற்படும் பிரச்சனைகள்
  

தூக்கமின்மையால் இன்றைய வேலை தடைபடுகிறது மனதில் ஒரு சோர்வு
மகிழ்ச்சியின்மை ,தலை சுற்றுதல் , இரத்த அழுத்தம் அதிகமாதல் ,மற்றவர்களை பார்த்தல் எரிச்சல் போன்றவை ஏற்படுகிறது .இவற்றால் நமக்கு தானே இழப்பு
நம் நினைவாற்றல் கூட நின்று விடுகிறது .எனவே இதை நிறுத்தியாக வேண்டும் தூக்கம் நம் வாசலை தட்டியாக வேண்டும் .குறைந்த பட்சம் ஆறு மணி நேரமாவது தூங்கவேண்டும் .நல்லா எட்டு மணி நேரம் தூங்கிறவங்க இதை பற்றி கவலை படவேண்டாம் .

• எப்படி தூக்கத்தை வர வைப்பது
  

தூக்கத்தை வர வைப்பது ரெம்ப சுலபம் நீங்கள் செய்ய வேண்டியது இரவில் தூங்கும் முன்னால் நல்ல அறிவு பூர்வமான புத்தகங்களை படிக்க வேண்டும் .
மனதில் எதை பற்றிய கவலையும் இருக்க கூடாது .உதாரணமாக நமக்கு தோல்வி ஏற்பட்டு விட்டது ,நமக்கு இழப்பு ஏற்பட்டு விட்டது ,நமக்கு வேண்டியவர்களை மரணம் விழுங்கிவிட்டது நீங்கள் எதற்கும் கவலை படாதிற்கள் நீங்கள் இருக்கிறீர்கள் ,ஆம் நான் இருக்கிறேன் எனக்கு தன்னம்பிக்கை இருக்கிறது என்னால் முடியும் , என்னை எதுவும் அசைக்காது
என் இழப்புகள் எனக்கு இழப்பு அல்ல ஏனென்றால் நான் இருக்கிறேன் என்ற எண்ணம் உங்கழுக்கு வர வேண்டும் .நேற்று என்பது முடிந்து விட்டது ,
நாளை என்பது எப்படியோ இன்று நான் மகிழ்ச்சியாய் இருக்க வேண்டும் .
உங்களால் முடிந்த அளவுக்கு மற்றவர்களுக்கு உதவுங்கள் . உழைத்து வாழ பழகுங்கள் வாழ்க்கை உங்கள் கையில் .

இந்த கட்டுரையானது பல தன்னம்பிக்கையற்ற மனிதர்களை பார்த்து

அவர்களுடன் பழகி அவர்களுக்கு தன்னம்பிக்கையூட்டி மற்றவர்களும்தன்னம்பிக்கையோடு வாழவேண்டும் என்பதற்காய் இதை பதிவு செய்கிறேன் .
உங்கள் கருத்துகள் வரவேற்க படுகிறது .

தமிழன் என்று சொல்லடா தலை நிமிர்ந்து நில்லடா .......

Read More