பணம் பாதாளம் வரை பாய்ந்திருக்கிறது பணத்திற்கு முன்னால் தமிழனின் இன மானம் தூசு

நடந்து முடிந்த நாடாளுமன்ற தேர்தல் முடிவுகள் தமிழினத்திற்கே ஆச்சரிய படுத்திய முடிவாக அமைந்தள்ளது . இந்தியாவே எதிர்பார்த்த தமிழக தேர்தலில் தமிழன் பணத்திற்காக இன மானத்தை விலை பேசியதன் விளைவு தான் இந்த தேர்தல் முடிவுகள் .

திருமங்கலம் தொகுதியில் துவங்கிய பண விநியோகம் இன்று நாடாளுமன்றம் வரை வந்திருக்கிறது என்றால் இது ஒரு தவறான முன்னுதாரணமே . எட்டி கால் வைக்கும் தூரத்தில் சிங்கள இனவெறியர்களால் தினம் தினம் தமிழர்கள் இன படுகொலை செய்து கொண்டிருக்கிறேன் . அதற்கு மத்திய காங்கிரஸ் மற்றும் திமுக அரசுகள் உதவி செய்கிறது . சிங்கள ராணுவத்தால் நம் மீனவர்கள் சுட்டு கொள்ள பட்ட போதும் இந்த ஆட்சிகள் தமிழர்களுக்காக குரல் கொடுக்க வில்லை . இதற்கு மாற்று அணி வந்தால் தான் தமிழன் மானம் ரோசம் கொண்டவனாக இருக்க முடியும் . அந்த வகையில் தமிழன் மானம் ரோசம் உள்ளவனாக இருப்பான் என்றால் அதையும் தாண்டி சில தொகுதிகளை தவிர பெரும்பாலான தொகுதிகளில் ஆளும் வர்க்கத்தின் பணத்திற்கு தமிழினம் அடிமையாகி விட்டது .

தேர்தல் வருகிறது அதற்காகவாவது சிறிய அளவிலாவது போர் நிறுத்தம் செய்ய முயற்சிப்பார்கள் என்றால் அதுவும் இல்லாமல் தன பணத்தையே நம்பி தேர்தலில் போட்டியிட்ட காங்கிரஸ் திமுக கூட்டணி வெற்றி பெற்றிருக்கிறது என்றால் இது ஒரு மோசமான முன்னுதாரணமே .

தமிழக வாக்காளர்கள் கொடுத்த வெற்றியின் நோக்கம் என்ன தேசிய அளவிலான அரசியல் தலைவர்கள் சொல்லுகிறார்கள் தமிழகத்தில் அதிசயம் நடந்ததாக  .  அந்த அளவிற்கு உலகமே எதிர் பார்த்த தமிழக முடிவுகள் மாறியிருக்கிறது என்றால் இனி வரும் காலங்களில் எந்த கட்சி ஆட்சிக்கு வந்தாலும் இல்லை சிறு வாய்ப்பு கிடைத்தாலும் கொள்ளை அடிப்பதை விட வேறு என்ன எண்ணம் வரும் . இந்த தீர்ப்பு மக்கள் தீர்ப்பு அல்ல பணத்திற்கு கிடைத்த வெற்றி . இந்த நேரத்திலும்  பணத்திற்கு விலை போகாமல் தன்மானத்தை காத்து தமிழினத்திற்கு ஓரளவாவது இன மானம் இருக்கு என்று நிரூபித்த வாக்காளர்களுக்கு தலை வணங்குகிறோம்

Read More