சங்கரன் கோயில் சவால் 26 அமைச்சர்களுக்கு போட்டியாக 38!

சங்கரன்கோவிலுக்கு இடைத்தேர்தல் நடக்கவுள்ள நிலையில், கடந்த 10-ம் தேதி சென்னையில் கூடியது, ம.தி.மு.க. பொதுக் குழு. கட்சியின் இணையதள நண்பர்கள் 100 பேர் சிறப்பு அழைப்பாளர்களாக வந்திருந்தார்கள். கூட்டம் நிரம்பி வழிந்ததால், அனைவரிடமும் உற்சாகம் பொங்கி வழிந்தது.

கட்சியின் பொருளாளர் டாக்டர் மாசிலாமணி, ஒரு லட்சம் ரூபாய் கொடுத்து தேர்தல் நிதியளிப்பைத் தொடங்கி வைத்தார். உடனே, பலரும் மேடையை நோக்கி முண்டியடித்தனர். அப்போது, மைக் பிடித்த திருச்சி ஷேக்முகமது, ''என்னுடைய நாட்கள் எண்ணப்பட்டு வருகின்றன. ஒரு நாளைக்கு இரு முறை டயாலிசிஸ் செய்தாக வேண்டும். இதற்காக மட்டும் தினமும் 10 ஆயிரம் ரூபாய் செலவாகிறது. நம் இயக்கத்துக்கு இது நெருக்கடியான காலம் என்பதால், எல்லோரும் தாராளமாக நிதி வழங்க வேண்டும்'' என்று சொல்லி இரண்டு லட்சம் நிதி கொடுக்க... திடீரெனக் கூட்டம் விக்கித்து நின்றது. அதைத் தொடர்ந்து பொதுக்குழுவில் மொத்தம் 46.75 லட்ச ரூபாய் தேர்தல் நிதியாக சேர்ந்தது.

செந்திலதிபன் பேசியபோது, ''ஓர் ஆண்டுக்கு முன்பு நடந்த 19-வது பொதுக் குழுக் கூட்டம், மிகவும் இறுக்கமாக இருந்தது. கூட்டணியில் நம்முடைய கட்சிக்கு எத்தனை தொகுதிகள் கிடைக்கும் என்கிற கேள்வி எல்லார் மனதிலும் ஓடிக்கொண்டு இருந்தது. ஆனால், நாம் தேர்தலில் போட்டியிட முடியாத நிலை ஆனது. ஆனால், தமிழகத்தின் வாழ்வாதார உரிமைகளுக்காகப் போராடி இருக்கிறோம். கடலூர் சேதத்தைப் பார்வையிடப் போனபோது வைகோவிடம் நிறையப் பேர், அவரை எம்.பி-யாகவே நினைத்துக்கொண்டு, 'நாடாளுமன்றத்தில் எங்கள் பிரச்னையை எடுத்துச் சொல்லுங்கள்’ என்று கேட்டுக்கொண்டார்கள். இந்த நம்பிக்கைதான் நமக்குக் கிடைத்துள்ள வலிமை'' என்று குறிப்பிட்டார்.

அடுத்துப் பேசிய மல்லை சத்யா, ''காகத்துக்குப் பகலில் வலிமை, ஆந்தைக்கு இரவில் வலிமை. நிலத்தில் யானைக்கு வலிமை. நீரில் முதலைக்கு வலிமை. சங்கரன்கோவில் இடைத்தேர்தல், நம்மை வஞ்சித்தவர்களை வீழ்த்துவதற்கான ஒரு வாய்ப்பு. போட்டியாளர்களை வீழ்த்திக்காட்டும் வலிமை நம்மிடம் இருக்கிறது. அதைக் களத்தில் காட்டுவோம்'' என்று சூளுரைத்தார்.

நாஞ்சில் சம்பத் காரசாரமாகவே பேசினார். ''18 ஆண்டு கால ம.தி.மு.க. வரலாற்றில், ஒரு முக்கியமான கட்டத்தை இப்போதுதான் கடக்கப்போகிறோம். வருகிற நாட்கள் நமக்கான வசந்தகாலம். கவிஞர் தாமஸ் கிரே சொன்னதுபோல, 'சந்தர்ப்பங்கள் கிடைக்காவிட்டால், எந்த மனிதனும் சரித்திரம் படைக்க முடியாது’. அந்த சந்தர்ப்பம், நமக்கு இப்போது வாய்த்துள்ளது. மக்கள் இப்போது, வைகோ மீது நம்பிக்கை வைத்திருக்கிறார்கள். கருணாநிதி, ஜெயலலிதா நாடகம் முடிவுக்கு வருகிறது. சங்கரன்கோவில் இடைத்தேர்தலைச் சந்திக்க 26 அமைச்சர்கள் கொண்ட குழுவை அமைத்து இருக்கிறார் ஜெயலலிதா. இதன்மூலம், வைகோவின் வெற்றியை ஜெயலலிதா ஒப்புக்கொண்டு விட்டார்'' என்று பேசியவர், திடீரென டிராக் மாறி, ''சிலர் இருட்டடிப்பு செய்வதால், நம்மைத் தோற்கடித்துவிட முடியாது. என் மனைவியின் தாலிக்கொடியை விற்றுப் பணம் தருகிறேன். தலைவா, நீ நமக்கெனத் தனித் தொலைக்காட்சி தொடங்கு'' என்று ஆக்ரோஷத்தோடு சொல்ல, அத்தனை பேரும் கைதட்டி வரவேற்றனர். மேடையில் இருந்த 'இமயம்’ ஜெபராஜ் மட்டும் நெளிந்தார்.

இரவு 7 மணிக்குப் பேசவந்த வைகோ, ''நம் மீது மக்களின் கவனம் திரும்பி இருக்கிறது. ஏழைத் தாய்மார்கள் நம்பிக்கை வைத்திருக்கிறார்கள். புதிய இளைஞர்கள் தி.மு.க., அ.தி.மு.க-வுக்கு மாற்றாக ம.தி.மு.க-வை மக்கள் நினைக்கிறார்கள். மத்திய அரசு தமிழகத்தை, தமிழர்களை வஞ்சித்து வருகிறது. தமிழினத்துக்கு எதிரான மத்திய அரசின் துரோகத்தில் தி.மு.க-வுக்கும் பங்கு உண்டு. அதே சமயம், எட்டு மாத கால அ.தி.மு.க. ஆட்சியில் மக்கள் படும் வேதனைகளும் அதிகரித்துக் கொண்டு இருக்கின்றன. பால் விலை, பஸ் கட்டணம் எல்லாம் விஷம் போல ஏறிக்கொண்டு இருக்கின்றன. இந்த நிலையில், அ.தி.மு.க-வுக்குத்தான் வெற்றி என்று சொல்லும் ஜெயலலிதா, வரட்டும் சங்கரன்கோவிலுக்கு! இந்தத் தொகுதியின் மூலை, முடுக்கெல்லாம் நமக்கு அத்துப்படி. இப்போதே அதிகாரத் துஷ்பிரயோகத்தைத் தொடங்கி விட்டார்கள். ஜெயலலிதாவின் ராசி எண் ஏழு வரும்படியாக, 34 பேர் கொண்ட அ.தி.மு.க. தேர்தல் குழு, 7-ம் தேதி கூட்டம் போடுகிறார்கள். 7-வது வார்டில் 7 நிமிடங்கள் வாக்கு கேட்டார்கள். தலைமைச் செயலகத்தை காலி செய்தது போல 26 அமைச்சர்களை வைத்து உருட்டி மிரட்டி விடலாம் என்று நினைக்கிறார். இவர்கள், திருமங்கலம் இடைத்தேர்தலைத் தாக்குப்பிடிக்க முடியாமல் ஓடியவர்கள். காசு பணம் கொடுத்து ஓட்டு வாங்க முயற்சித்தால், நானே களத்தில் நிற்பேன். திருச்செந்தூர் இடைத்தேர்தல் நடந்தபோது, எம்ஜிஆரின் மந்திரிகளையே கண்ணில் விரலைவிட்டு ஆட்டியவன் நான். அமைதியான முறையில் நியாயமாக வாக்கு கேட்போம். வன்முறை நிகழ்த்தப்பட்டால், உரிய பதிலடி கொடுப்போம். அதற்கான வியூகங்களை இப்போது வெளியில் சொல்ல முடியாது'' என்று சஸ்பென்ஸ் வைத்து, உரையை முடித்தார் வைகோ.

வைகோவின் ஏரியா என்பதால், ம.தி.மு.க-வுக்கு இந்தத் தேர்தல் மானப்பிரச்னை. அதனால், கட்சியின் 38 மாவட்ட அமைப்புகளுக்கும் பகுதி பகுதியாகப் பொறுப்பைப் பிரித்து, செயல் திட்டத்தோடு காத்திருக் கிறார்கள்.

அனல் பறக்கப்போகிறது!

நன்றி  :ஜூனியர் விகடன்

Read More

கம்யூனிஸ்ட் களுக்கு இது தேவையா ?

இன்று நடைபெற்ற இடைதேர்தல் வாக்கு எண்ணிக்கையில் எதிர்பார்க்கப்பட்டது போல் திமுக அதிக வாக்குகள் வித்தியாசத்தில் வெற்றி பெற்றுள்ளது . வழக்கம் போல் கருணாநிதி இது மத்திய மாநில அரசுக்கு கிடைத்த வெற்றி என சொல்லியிருக்கிறார் .

இந்த இடைதேர்தலில் எந்தவொரு சலசலப்பும் இன்றி அமைதியாக தேர்தல் நடைபெற்றது . அதிமுக , மதிமுக , பமாக போன்ற எதிர் கட்சிகள் தேர்தலை புறக்கணித்த நாளிலே எழுதப்பட்ட தீர்ப்பு தான் திமுகவின் வெற்றி . தேர்தல் என்பது வெற்றி தோல்வி சகஜம் தான் ஆனால் திமுக ஆட்சி காலத்தில் தேர்தல் என்பது மக்கள் தீர்ப்பிலிருந்து மாறி பறிக்க பட்ட ( பிடுங்கப்பட்ட ) தீர்ப்பாகதான் இருக்கிறது .

இதை கண்டித்து தான் அதிமுக தேர்தலை புறக்கணித்தது கூட்டணி கட்சிகள் என்ற முறையில் கம்யூனிஸ்ட் கட்சிகளும் தேர்தலை புறக்கணித்து ஜனநாயகத்தை காப்பாற்றியிருக்க வேண்டும் . அதிமுக தேர்தலை புறக்கணித்தது ஒரு வகையில் கசப்பான அனுபவம் என்றாலும் கம்யூனிஸ்ட் கட்சிகள் தேர்தலில் போட்டியிட்டதும் ஒரு கசப்பான அனுபவம் தான் .

அனைத்து தொகுதிகளிலும் திமுக அதிக வித்தியாசத்தில் வெற்றிபெறும் என்பது அனைவருக்கும் தெரிந்தது தான் . ஆனால் கம்யூனிஸ்ட் கட்சிகள் அதிக பிரசங்கி தனமாக தேர்தலில் போட்டியிட்டு ஐந்து ஆயிரம் வாக்குகள் கூட பெற முடியாத நிலைமையை நினைக்கும் பொது அப்போதே கவுரவமாக போட்டியிடாமல் இருந்திருக்கலாம் என தோன்றுகிறது .

தேர்தல் கமிஷனும் முதலிலே இப்படியொரு செலவுகளை குறைக்கும் வண்ணமாக திமுக கூட்டணி வெற்றி பெற்றதாக அறிவித்திருக்கலாம் . தேவையற்ற செலவுகளை குறைத்திருக்கலாம் . எப்படியோ ஒரு வழியா இடைதேர்தல் முடிந்ததது முடிவுகளும் அறிவித்து விட்டார்கள் இதிலேயும் வெற்றியை கொண்டாட தொண்டர்கள் . என்னவோ தெரியலா இதுவும் ஜனநாயகமா ?

படம் : ஆண்த்ரோ பிளாக்ஸ்

Read More

தேர்தல் புறகணிப்பு தான் தீர்வா ?

ஐந்து சட்ட சபைக்கான இடை தேர்தல் தேதி தேர்தல் கமிசனால் அறிவிக்கப்பட்டுள்ளது . இந்நிலையில் பிரதான எதிர் கட்சிகள் தேர்தல் புறகனிப்பை செய்யலாமா என ஆலோசனை செய்வதாக பத்திரிகைகளில் தினம் தினம் செய்திகள் வந்தவண்ணம் உள்ளளன .

ஜனநாயகத்திற்கு பலமாக விளங்குவது தேர்தல் . இடை தேர்தல் காலியாக உள்ள உறுப்பினர்களுக்கான தேர்தல் . தேர்தலை ஆக்கபூர்வமாக எடுத்து கொண்ட காலங்கள் போய் இன்று அடிதடியாகவும் , ஆட்சி அதிகாரம் பணம் போன்றவையே முடிவுகளை தீர்மானிப்பது போலாகிவிட்டது . திமுக ஆட்சியாக இருந்தாலும் சரி அதிமுக ஆட்சியாக இருந்தாலும் சரி ஆளும் கட்சிகள் அதிகார பலம் , ஆள் பலம் , பண பலம் போன்றவற்றை பயன் படுத்தி வெற்றி பெறுவது வாடிக்கையாக ஆகி விட்டது .

மக்களின் உண்மையான தீர்ப்பிற்கு இடமின்றி தமிழக அரசியல் மாறி விட்டது . கடந்த ஆட்சியில் அதிமுக 8 அடி பாய்ந்தது என்றல் இப்போது திமுக 16 அடி பாய்கிறது . திட்டமிட்டு மக்கள் மனதை புரிந்து கொண்டு திமுக காய் நகர்த்தி கொண்டிருக்கிறது . மக்கள் மனம் என்பது நவீன உலகத்தில் மக்கள் எதிர்காலம், நாடு , நலவர்கள் ஆட்சி செய்ய வேண்டும் என்ற எண்ணங்கள் அற்றதாக தான் மக்கள் மனது காணப்படுகிறது . சுயநலம் மேலோங்கிய காலத்தில் எந்த அரசியல் வாதியும் உண்மையாக இருக்க வேண்டும் என மக்கள் விரும்ப வில்லை . ஏனெனில் சமீப காலத்தில் எந்த அரசியல் வாதியும் உண்மையாக இருந்ததில்லை . மக்களுக்கும் அரசியல் வாதிகள் மீதான நம்பிக்கை அற்று போனது .

இதனால் தான் மக்களும் அவன் கொள்ளையடித்தத்தில் சிறு பங்காவது தந்தால் விசுவாசம் காட்ட தயாராக இருக்கின்றனர் . அதற்கு எடுத்து கட்டு தான் சமீபத்திய நாடாளுமன்ற தேர்தல் . திமுக ஆட்சி பொறுப்பேற்றதும் நடை பெற்ற உள்ளுராட்சி தேர்தலில் ஆளும் கட்சியின் வன்முறை தலை விரித்தாடியது . வாக்கு சாவடிகள் கைப்பற்ற பட்டன . பின்னர் நீதி மன்றம் சென்னை மாநகராட்சிக்கு உட்பட்ட 60 க்கும் மேற்பட்ட கவுன்சில்களில் மறு தேர்தல் நடத்த உத்தரவிட்டது . எதிர் கட்சிகளின் கோரிக்கையான மாநகர காவல் துறை ஆணையர் , தேர்தல் அதிகாரிகளை மற்ற வேண்டும் என்பதை செயல் படுத்தாததால் அப்போதும் எதிர் கட்சிகள் உள்ளாட்சி இடை தேர்தலை புறக்கணித்தது .

இருந்த போதும் தேர்தல் நடக்காமலா இருந்தது வாக்கு பதிவு சதவீதம் தான் குறைந்ததே தவிர தேர்தல் நடை பெற்றது மீண்டும் அதே கவுன்சிலர்கள் வெற்றி பெற்றனர் . இப்போதும் இடை தேர்தல் நடைபெறுகிறது எதிர் கட்சிகள் புறக்கணிக்க போவதாக செய்திகள் வருகின்றன . ஏன் அதிமுக என்ன பணம், ஆள் பலம் , இல்லாத கட்சியா ? அதிகார பலத்தை தவிர வேறு என்ன பலம் அதிமுகவில் இல்லை . தேர்தல் புறக்கணித்தால் மக்கள் தான் திருந்துவார்களா ? இல்லை அதிகாரிகள் தான் திருந்துவார்களா ? இல்லை அரசியல் கட்சி தான் திருந்துமா ?

தேர்தல் புறக்கணிப்பினால் பாதிக்க படுவது மக்கள் தான் ஏனெனில் கடந்த இடை தேர்தல்களை போல் ஆளும்கட்சி பணத்தை செலவிடாது . அப்படியென்றால் மக்களுக்கு எப்படி பணம் கிடைக்கும் . ஒரு தினசரி பத்திரிகையில் இடை தேர்தல் தேதி அறிவிக்க பட்டவுடனே வந்த செய்தி " திருமங்கலம் தொகுதி இடை தேர்தல் போல் மக்கள் எதிர் பார்க்க துவங்கி விட்டனர் " மக்கள் எதிர் பார்கவில்லைஎன்றால் கூட பத்திரிகைகள் எதிர் பார்ப்பை ஏற்படுத்தி விடுவார்கள் .

எதிர் கட்சிகள் செய்யும் தேர்தல் புறகணிப்பால் ஆளும் கட்சிக்கோ இந்திய அரசியல் அமைப்பு சட்டத்திற்கோ பாதிப்பு ஏற்பட போவதில்லை . மாறாக உங்கள் கட்சியின் சின்னங்களை மக்கள் எளிதில் மறக்க கூடும் . இந்த நிலை தொடர்ந்தால் அப்படியே வருகின்ற சட்ட மன்ற பொது தேர்தல்களையும் புறகணிக்க வேண்டியது வரும் .

Read More

இடைதேர்தலில் சிபுசோரன் தோல்வி

ஜார்கண்ட் முதலமைச்சர் சிபு சோரன் தான் போட்டியிட்ட தமர் தொகுதியில் அதிர்ச்சி தோல்வியடைந்தார் .

அணுசக்தி ஒப்பந்தத்தில் ஏற்பட்ட கருத்து வேறுபாட்டால் கம்யூனிஸ்டுகள் மத்திய அரசுக்கான ஆதரவை விலக்கிய போது ஏற்பட்ட சிக்கலுக்கு சிறிது தோள்கொடுத்தவர் தான் சிபு சோரன் . அதற்காக காங்கிரஸ் கட்சியால் கொடுக்க பட்ட அன்பளிப்பு தான் முதலமைச்சர் பதவி .

இதையடுத்து ஜார்கண்ட் மாநில சட்டபேரவை உறுப்பினராவதற்கு நடைபெற்ற தேர்தலில் போட்டியிட்டார் . இதில் பதிவான ஓட்டுக்கள் இன்று காலை எண்ண தொடங்கின துவக்கம் முதலே பின்தங்கி இருந்த சிபு சோரன் தன்னை எதிர்த்து போட்டியிட்ட வாக்காளரை விட ௮000 (8000) வாக்குகள் குறைவாக பெற்று தோல்வியடைந்தார் .

இந்த தோல்வியின் மூலம் அவர் முதலமைச்சர் பதவி இழக்க கூடும் . முன்னர் ஒருமுறையும் குறைந்த காலத்தில் முதலமைச்சர் பதவியிலிருந்து விலகியது குறிப்பிட தக்கது .

என்னதான் நம்ம முதலமைச்சர் ஆகிட்டாலும் மக்கள் ஒட்டு போட்டு அங்கீகரிக்க வேண்டும் .


தமிழர்களுக்காக எந்த இழிவையும் ஏற்க தயாரா ? இந்தியா

Read More

அல்வா கொடுக்கும் திமுகவினர்

அல்வாவுக்கு பிரபலம் திருநெல்வேலி இப்போ மதுரையும் அல்வாவுக்கு பிரபலம் . திமுகவினர் வாக்காளர்களை கவர அல்வா பொட்டலங்களை கொடுத்து வருகின்ர்ரானர்.

திருமங்கலம் தொகுதிக்கான இடைதேர்தல் பிரச்சாரமானது கடைசி கட்டத்தை எட்டி வருகிறது. இதில் ஆளுங்கட்சியும் எதிர்கட்சியும் என்ன விலை கொடுத்தாவது தொகுதியை கைப்பற்ற வேண்டும் என பிரச்சாரம் செய்து வருகிறார்கள்.இதன் ஒரு பகுதியாக பல இடங்களில் அடிதடிகளும் நடக்கிறது. ஒவ்வெரு கட்சியும் போட்டி போட்டு கொண்டு பணம் கொடுத்து வருகின்றன.

திமுகவினர் வாக்காளர்களுக்கு அல்வா பொட்டலம் கொடுத்து அசத்துகின்றனர். தமிழகத்தில் அல்வா என்றாலே அல்வா .... தான். இது அனைத்து மக்களுக்கும் தெரியும். இந்த நிலையில் திமுகவினர் கொடுக்கும் அல்வாவை மாற்ற கட்சியினர் கிண்டல் அடிக்க தொடங்கியிருக்கிறார்கள்.

இலவசங்களை கொடுத்து பழகி போன அரசியல் வாதிகளும் இலவசங்களை நெரிசலில் நின்று வாங்கி பழகி போன மக்களும் , ஓட்டுக்கு பணம், அல்வா என்றால் சொல்லவா வேணும் . ஆனால் ஓன்று மட்டும் உறுதி இந்த தேர்தலில் யாரோ ஒருவர் அல்வா நிச்சயமாக கொடுப்பார்கள்.

தேர்தல் முடிவு எண்ணும் போது தெரியும் திமுக மக்களுக்கு அல்வா கொடுத்ததா இல்லை மக்கள் திமுகவிற்கு அல்வா கொடுகிறார்களா?

எப்படியும் அல்வாவும் நல்லா விற்பனை ஆகுது. மக்களும் நல்லா அல்வா சாப்பிடுறாங்க.


நன்றி :தட்ஸ் தமிழ்

Read More

திருமங்கலம் இடை தேர்தல் ஒரு கலக்கல் ஆய்வு

தேர்தல் என்றாலே அரசியல் காட்சிகளுக்கு கொண்டாட்டம் தான் இப்போது அந்த கொண்டாட்டம் திருமங்கலம் இடைதேர்தலில் இருக்கிறது. பொது தேர்தல் என்பது சிறு கட்சிகள் முதல் பெரிய கட்சிகள் வரை தன் பலத்தை நிரூபிக்க போராடுவது. ஆனால் இடைதேர்தல் என்றால் ஆட்சியில் இருக்கும் கட்சியானது தன் ஆட்சிக்கு மக்கள் எத்தனை சதவீதம் மதிப்பெண் போட்டிருக்கிறார்கள் என்பதை சோதிக்கும் ஒரு சோதனை களம். எதிர் கட்சிக்கு அடுத்த தேர்தலில் மக்கள் நம்மை ஆட்சியில் அமர்த்துவார்களா என்பதை சோதிக்கும் சோதனை களம்.



ஆனால் இப்படி எத்தனை சோதனை களங்கள் வந்தாலும் சில காலங்களாக ஆளுங்கட்சி இடை தேர்தலில் வெற்றி பெறுவதும் தொடர்ந்து வருகிற பொது தேர்தலில் தோல்வி பெறுவது தான் இப்போதைய வாடிக்கையாக இருக்கிறது.



நாம் முதலில் வருகின்ற நாடாளுமன்ற தேர்தலை பற்றி சிறிது பார்த்து விட்டு இடை தேர்தலுக்கு செல்வது நல்லது என நினைக்கிறேன். ஐந்து ஆண்டுகள் காங்கிரஸ் ஆட்சியானது வருகின்ற மே மாதத்துடன் முடிவிற்கு வருகிறது. எனவே அடுத்த மே மாதத்திற்குள் தேர்தல் நடத்தியாக வேண்டும் . கடந்த சட்டமன்ற தேர்தலில் திமுகாவுடன் கூட்டணி வைத்த பொதுவுடமை கட்சிகள் அதிமுகவுடன் தேர்தலை சந்திக்க தயாராகி கொண்டிருக்கிறது. திமுகவுடன் காங்கிரஸ் கட்சி இருக்கிறது, பாமக எந்த கூட்டணியில் இருக்கிறது என்பது இன்னும் முடிவாக வில்லை .



எப்படியும் திமுக தலைமையில் ஒரு அணியும் அதிமுக தலைமையில் ஒரு அணியும் போட்டியிடும். இந்த நிலையில் தான் எந்த அணி பலம் வாய்ந்தது என்று தெரிந்து கொள்ள ஒரு இடை தேர்தல். இந்த நிலையில் தான் இரு தலைமைகளும் நேருக்கு நேர் மோதட்டும் என வைகோ மதிமுக வெற்றி பெற்ற தொகுதியை விட்டு கொடுத்திருக்கிறாரோ ? எப்படியும் அதிமுக, திமுக நேரடியாக மோதுவது தான் இந்த நேரத்தில் சரியானதாக இருக்கும்.



இந்த தொகுதியை பொருத்தவரையில் அதிமுகவிற்கும் திமுகவிற்கும் எப்படி பலபரிட்சையோ அதேபோல் தேமுதிக, அஇசமக ஆகிய கட்சிக்கும் ஒரு பல பரீட்சை தான். சரத்குமார் கட்சி ஆரம்பித்து இப்போது தான் முதன் முதலில் தேர்தலை சந்திக்கிறார். அவருடைய கட்சியின் செல்வாக்கை சோதிக்கும் சோதனை களம். விஜயகாந்த் கடந்த தேர்தலை விட ஓட்டுகள் கூடுதலாக கிடைக்குமா என பார்ப்பார். இந்த இரண்டு கட்சிகளும் வெற்றி பெறவில்லை என்றாலும் ஒரு கட்சியின் தோல்விக்கு காரணமாக இருந்து விடுவார்கள்.



தேர்தல் என்றால் பணத்தை வீசும் பழக்கம் கடந்த காலங்களில் அதிமுகவிடம் இருந்தது. இப்போது திமுக தன் பங்கிற்கு பணத்தை வீசி விளையாடுகிறது. பொதுவாகவே இடைதேர்தல் என்றால் பணம் அதிகாரம் இருந்தால் வென்று விடலாம் என்ற நிலை தான் பழக்கத்தில் இருக்கிறது.



திமுகவிற்கு எப்படியும் இந்த தேர்தல் கம்பியில் நடப்பதை போன்றது தான். மின்வெட்டு தமிழகம் முழுவதும் மக்களை வாட்டி விட்டது. விலை வாசி உயர்வு, பண புழக்கம் குறைவு போன்ற அன்றாட மக்கள் வாழ்க்கை மிகவும் பரிதாபமாக மாறி விட்டது. இந்த கோபம் மக்களிடம் காணப்படும். கடந்த தேர்தலில் இருந்த கூட்டணி இப்போது கிடையாது. பக்க பலமாக காங்கிரஸ் கட்சி மட்டும் தான் இருக்கிறது. காங்கிரஸ் காட்சியில் இருக்கும் கோஸ்டி பிரச்சனையை சரிசெய்வதே மிக பெரிய வேலை. திமுக நம்பியிருக்கும் ஒரே நபர் முக. அழகிரி மதுரையை சுற்றியுள்ள இடங்கள் அவர் கட்டுப்பாட்டில் தான் இருக்கும்.



அதிமுகவை பொருத்தவரையில் திமுக ஆட்சியில் உள்ள குறைபாடுகள் புதிதாக வந்த கூட்டணி பலம். மற்றும் அதிமுக மதிமுக கூட்டணியிலே வெற்றி பெற்ற தொகுதி. என்று பல தகுதிகளோடு தேர்தலில் நிற்கிறது. மக்களுக்கு திமுக மீது ஏற்பட்ட வெறுப்பை தன் கட்சிக்கு சாதகமாக நினைத்து களத்தில் நிற்கிறது.



திமுக தன்னுடைய பத்திற்கும் மேற்பட்ட அமைச்சர்களை களத்தில் இறக்கி விட்டு பிரச்சாரம் செய்கிறது. அதிமுக சார்பில் மதிமுக பொது செயலாளர் முழு மூச்சில் பிரசாரத்தில் உள்ளார். வலது கம்யூனிஸ்ட் , இடது கம்யூனிஸ்ட், பார்வார்டு பிளாக் போன்ற கட்சி தலைவர்களும் அதிமுகவிற்கு ஆதரவாக பிரசாரத்தில் ஈடு பட்டு வருகிறார்கள். விஜயகாந்த் கட்சி சார்பாக மனைவி பிரேமலதாவும், சரத் குமார் கட்சி சார்பாக மனைவியும் கட்சியும் துணை தலைவி ராதிகாவும் தீவிர பிரசாரத்தில் ஈடுபட்டு வருகிறார்கள். இந்த இரு கட்சிகளுமே ஆளுங்கட்சியின் மீதான வெறுப்பை ஒட்டுகளாக்க தான் பார்க்கின்றன.



ஒவ்வெரு கட்சிகளும் தன்னுடைய முழு பலத்தையும் பயன்படுத்தி களத்தில் நிற்கின்றனர். இந்த சூழ்நிலையில் அரசின் மீதான வெறுப்பை மாற்ற கட்சிகள் பிரிக்காமல் பார்த்தல் அதிமுக வெற்றி மகுடம் சூடும் என்பதில் சந்தேகமில்லை. ஓட்டுகள் பிரியும் சதவீதம் அதிகமானால் திமுக தொகுதியை கைப்பற்றும்.



இந்த சூழ்நிலையில் இரண்டு கட்சிகளின் ஆதிக்கமும் அதிகமாகி மற்ற கட்சிகளை புறந்தள்ளியிருகின்றன. பெரும்பாலான மக்கள் மனதில் திமுகவா? அதிமுகவா? என்ற நிலையே காணப்படுவது தெரிகிறது .


யார் வெற்றி பெறுவார்கள் என்பதைவிட அதிகாரம், ஆள்பலம், பணபலம், போன்றவை தான் வெற்றியை தீர்மானிக்கும் என்பதில் சந்தேகமில்லை, பொறுத்திருப்போம் சட்டம் ஒழுங்கு சீர்குலையாத தேர்தல் நடைபெற அரசியல் கட்சிகள் ஒத்துழைத்தால் மக்கள் பயமின்றி வாக்களிப்பார்கள்.

Read More