ஆளில்லா பேருந்துகளை ஓட்டும் தமிழக அரசு

தமிழகத்தில் இன்று இலங்கை பாதுகாப்பு பேரவை அறிவித்த பொது வேலை நிறுத்தத்தை எப்படியாவது தடுக்க வேண்டும் என கலைஞரின் தலைமையிலான அரசு பல்வேறு முயற்சிகளை எடுத்தது .

தேசிய பாதுகாப்பு சட்டத்தை பயன் படுத்துவதாக கூட அறிவித்திருந்தது . பொது வேலை நிறுத்தம் சட்ட விரோதம் என தலைமை செயலாளர் அனைத்து கட்சி தலைவர்களுக்கும் கடிதம் அருப்பியிருந்தார்கள் . ஆனால் நேற்றே உயர் நீதி மன்றம் தடை விதிக்க மறுத்து விட்டது . சட்ட விரோதமில்லை மக்களின் உணர்வை காட்ட இதுவும் ஒரு போராட்டம் தான் என உயர்நீதி மன்றம் தெரிவித்திருந்தது .

இதிலும் தோற்று போய் விட்ட திமுக அரசு காவல் துறை பாதுக்காப்போடு இன்று பேருந்துகளை இயக்கி வருகிறது . மக்கள் பயணங்களை தவிர்த்துள்ள காரணத்தால் பேருந்துகள் பெரும்பாலும் காலியாகவே சென்று கொண்டிருக்கிறது .

தொண்ணூறு சதவீதமான கடைகள் தமிழ் நாடு முழுவதும் அடைக்க பட்டுள்ளன .
ஆட்டோக்கள் , வேன் , போன்ற தனியார் வாகனகள் பெரும்பாலும் இயங்கவில்லை . சில இடங்களில் பேருந்துகளின் மீது கல்லேரியபட்டுள்ளது . நாகர் கோவிலில் இலங்கை தேசியக்கொடி , ராஜபக்ஷே உருவ பொம்மை எரித்த பலரை காவல் துறையினர் கைது செய்துள்ளனர் . ரயில் மறியல் செய்த இந்திய கம்யூனிஸ்ட் கட்சியினர் பெரும்பாலானோர் கைது செய்யப்பட்டுள்ளார் .

எப்படியும் அரசின் மிரட்டலையும் மீறி சுய வேலைமறுப்பு போராட்டம் மக்கள் ஆதரவோடு வெற்றி பெற்றுள்ளது . Tweet