உணமையை மறைத்து பேசும் சுபவீக்கு செந்திலதிபன் கண்டனம்

மாவீரர் திலகம் பிரபாகரன் தாயார் பார்வமதி அம்மாள் மருத்துவ சிகிச்சைக்காக சென்னை வந்தது பற்றி சுப.வீ.உண்மைகளை மறைத்து எழுதி இருக்கிறார்.

பக்கவாதம், சிறுநீரகக் கோளாறினால் பாதிக்கப்பட்டிருந்த பார்வதி அம்மாள், முள்ளிவாய்க்கால் படுகொலைகளுக்குப் பின் ,முள்வேலி முகாமில் இருந்தார்.பிரபாகரன் தந்தை வேலுப்பிள்ளை அவர்கள் மறைந்த பிறகு அம்மாவின் உடல் நிலை மோசமடைந்தது. இலங்கை எம்பி சிவாஜிலிங்கம் முயற்சியால் பார்வதி அம்மாள் சிகிச்சைக்காக மலேசிய நாட்டுக்கு அழைத்துச் செல்லப்பட்டார்.

மலேசிய அரசு குறுகியகால விசா வழங்கியதால் ,அம்மாவின் தொடர் சிகிச்சைக்காக தலைவர் பிரபாகரனின் அக்கா வினோதணி கனடாவில் உள்ள தன் வீட்டுக்கு அழைத்துச் செல்ல விரும்பினார்.

ஆனால் கனடாவில் மருத்துவ நடைமுறைகளில் சிக்கல் இருப்பதால் அந்த முயற்சி கைவிடப்பட்டது. பின்னர் அம்மாவை தமிழ்நாட்டுக்கு அழைத்துச் சென்று சிகிச்சை அளிப்பது என்று சிவாஜிலிங்கம், அதற்கான ஏற்பாடுகளை செய்தார். இந்திய அரசிடம் உரிய அனுமதி பெறப்பட்டது.

தமிழகத்தில் அம்மா எங்கே தங்கி சிகிச்சை எடுக்கப் போகிறார் என்று வெளியுறவுத்துறை கேட்டபோது பழ.நெடுமாறன் இல்லத்தில் தங்குவதாக அவரது வீட்டு முகவரி அளிக்கப்பட்டது.
அதன் பிறகே இந்தியா பார்வதிஅம்மாவுக்கு விசா வழங்கியது.

2010, ஏப்ரல் 16 ஆம் தேதி மாலை விமானத்தில் அம்மாவும்,அவருக்கு த் துணையாக விசயலட்சுமி எனும் செவிலியரும் மலேசியாவிலிருந்து சென்னை வந்து சேர்ந்தனர். பார்வதிஅம்மாள் வந்த செய்தியை முறைப்படி தமிழக அரசுக்கு மத்திய வெளியுறவுத்துறை அதிகாரிகள் தெரியப்படுத்தினர்.

அம்மா வருகை பற்றி அய்யா நெடுமாறன் அவர்கள் தலைவர் வைகோவுக்கு மட்டும் தகவல் தந்திருக்கிறார். விமான நிலையத்திற்கு 16.04.2010 இரவில் வைகோ,நெடுமாறன் இருவரும் சென்ற போது,தமிழக காவல்துறையினர் அவர்களை உள்ளே அனுமதிக்க மறுத்துவிட்டனர்.
விமான நிலையத்தில் தமிழக காவல்துறை குவிக்கப்பட்டது.

இதனிடையில் மத்திய உள்துறை அமைச்சர் ப.சிதம்பரத்தை தமிழகத்தின் ஆட்சியாளர்(???) தொடர்பு கொண்டு தமிழ்நாட்டில் முள்ளிவாய்க்காலுக்குப் பிறகு தமிழக மக்கள் மத்திய காங்கிரஸ் கூட்டணி அரசு,மாநில தி.மு.க அரசு மீது கோபமாக உள்ளனர். இந்த நிலையில், பிரபாகரன் தாயார் இங்கு வந்து தங்கினால் நி லைமை கட்டுமீறிப் போகும்.எனவே பார்வதி அம்மாள் சென்னையில் தங்கி மருத்துவம் பார்க்க அனுமதிக்க க் கூடாது என்று கூறினர்.

அதற்குப் பிறகு விமானத்திலேயே 5 மணி நேரம் காத்திருந்த பார்வதி அம்மாளை மத்திய அரசு அதிகாரிகள் திருப்பி அனுப்பியதால் மீண்டும் மலேசியாவுக்கு போக வேண்டிய சூழல் ஏற்பட்டு, பின்னர் அங்கிருந்து ஈழம் சென்று,உடல்நலன் பாதிக்கப்பட்டு மறைந்தார்கள்.

இதுதான் நடந்த உண்மைகள்.
சுப.வீ.அவர்களுக்கு சில கேள்விகள்.
மத்திய அரசு அம்மா வருகைக்கு அனுமதி அளித்தது தி.மு.க அரசுக்கு த் தெரியாதா?
முதல்வருக்குத் தெரியாமல் ஒரு நிகழ்வு நடந்து விடுமா?மத்திய திமுக அமைச்சர்களுக்கும் தெரியாதா?
முதல்வர் கருணாநிதி சார்பில் மத்திய அரசிடம் பார்வதி அம்மாவுக்கு அனுமதி வழங்கப்பட்டதற்கு எதிர்ப்பு தெரிவிக்கப் பட்ட செய்தி வந்த போது மத்திய அரசு அப்போது மறுப்பு தெரிவிக்கவில்லையே ஏன்?

1990 களில் நாங்கள் பார்த்த பேராசிரியர், தோழர் சுப.வீ.உருவம் மட்டும் மாறவில்லை.
தமிழ் உள்ளமும் அல்லவா மாறி விட்டது! இவ்வாறு மதிமுக அரசியல் ஆய்வு மைய செயலாளர் செந்திலதிபன் தனது முகநூல் பக்கத்தில் தெரிவித்துள்ளார் .

Read More

கருணாநிதியின் மட்டமான அரசியலுக்கு இன்னும் ஒரு உதாரணம்

தமிழகத்தில் மேல்சபை நாடாளுமன்ற உறுப்பினருக்கான தேர்தல்களம் சூடு பிடித்துள்ளது. 6 பேரை தேர்ந்தெடுக்க வேண்டிய தேர்தலில் 7 பேர் களத்தில் உள்ளனர். 

சட்ட மன்ற உறுப்பினர்கள் வாக்களிக்க வேண்டிய தேர்தல் என்பதால் ஒவ்வெரு கட்சியின் பலத்தை பொறுத்து வேட்பாளர்கள நிறுத்தப் படுவார்கள். தமியால்கத்தில் அதிமுகவின் சட்ட மன்ற உறுப்பினர்கள் எண்ணிக்கையை பார்க்கும் போது 4 பேர் வெற்றி பெற்று விடுவார்கள். ஆனால்  அதிமுக 5 வேட்பாளர்களை அறிவித்தது.  இந்திய கம்யூனிஸ்ட் கட்சி சார்பில் டி. ராஜா அவர்கள் ஆதிமுகவிடம் ஆதரவு கேட்ட பிறகும் 5 வேட்பாளர்களை அறிவித்தது அனைவரையும் ஆச்சரியத்தில் ஆழ்த்தியது.

அதே போல் திமுக சார்பில் கனிமொழி வேட்பாளராக அறிவிக்கப்பட்டார். தேமுதிகவிலிருந்து வரிசையாக எம் எல் ஏக்கள் அதிமுகவிற்கு விலை போய் கொண்டிருந்த காரணத்தால் தேமுதிக போட்டியிடாது என்று நினைத்த வேலையில் தேமுதிகவும் தன் பங்கிற்கு வேட்பாளரை அறிவித்தது. அதன் பின்னர் டி.ராஜாவுக்கு அதிமுக ஆதரவு என்றும் தான் அறிவித்த ஐந்து வேட்பாளர்களில் ஒருவரை திரும்ப பெறுவதாகவும் ஜெயலலிதா அறிவித்ததை அடுத்து ஆறு இடங்களுக்கான போட்டியில் ஏழு பேர் போட்டியிடுகிறார்கள். 

இப்போதைய நிலவரப்படி அதிமுக சார்புவேட்பாளர்கள் 4 பேரும், இந்திய கம்யூனிஸ்ட் டி.ராஜாவும் வெற்றி பெறுவது உறுதியாகி விட்ட நிலையில் கனிமொழிக்கும், தேமுதிகவிற்கு போட்டி நிலவுகிறது. இங்கே தான் கருணாநிதியின் மட்டமான அரசியல் நடைபெறுகிறது. ஈழத்தில் தமிழர்கள படுகொலை செய்ய பட்ட போதும் அதை தொடர்ந்து நான்கு ஆண்டுகள் காங்கிரஸ் கட்சியுடன் ஒட்டி இருந்து பதவி சுகத்தை அனுபவித்து, இன்னும் காங்கிரஸ் கட்சியுடன் இருந்தால் தெருவில் கால் வைக்க முடியாது என்ற நிலையில் காங்கிரஸ் கட்சியின் ஈழ நிலைப்பாட்டை குற்றம் சாட்டி திமுக வெளியே வந்தந்து. 

திமுகவினர் பட்டாசு வெடித்து கொண்டாடினர். அதே திமுக இன்று காங்கிரஸ் காலடியில் சரணாகதி அடைந்துள்ளது. கனிமொழியை வெற்றி பெற வைக்க காங்கிரஸ் கட்சியின் வாக்கை கேட்டு திமுக சார்பில் டி.ஆர்.பாலு இன்று சோனியாவை சந்தித்துள்ளார். இதை விட மட்டமான அரசியல் எங்கேனும் உண்டுமா?  ஏற்கனவே கனிமொழி ஊழல் செய்தார் என்று கனிமொழியை திகார் சிறையில் அடைக்க பெரிதும் காரணமாக இருந்தது இதே காங்கிரஸ் கட்சி தான். சுயமரியாதைக்காக காதலை இழந்தேன் என்று சொன்ன கருணாநிதியால் பதவியை இழக்க முடியாமல் சுயமரியாதை சந்தி சிரிக்கிறது. 

அடுத்த காட்சி திருமாவளவனை பக்கத்தில் வைத்து கொண்டு ராமதாசை கடுமையாக தாக்கி விட்ட, பின்னர் தமிழக அரசு ராமதாஸ் மீது நடவடிக்கை எடுத்த பிறகு ராமதாசை கூட்டணியில் சேர்த்து விடலாம் என்று கணக்கு போட்டு மருத்துவமனை வரை சென்று சந்தித்தார் ஸ்டாலின். ஆனால் அப்போதே அன்புமணி திமுகவுடன் நாங்கள் கூட்டணி சேர மாட்டோம் என்று முகத்தில் அடித்தது போல் சொல்லி விட்டார். பதிலுக்கு ஸ்டாலின் நாங்கள் கூட்டணிக்காக எங்கள் கதவுகளை திறந்து வைக்க வில்லை என்று சொல்லி ஒரு மாதத்திற்குள் அதே அன்புமணியின் வாசலில் காத்து நிற்கிறார் ஸ்டாலின்.  

பதவிக்காக  யார் காலிலும் விழும் இவர்களால் எப்படி சுயமரியாதையை காக்க முடியும்? திராவிட இயக்க வழி வந்த திமுக பெரியார், அண்ணா வழி தோன்றலான திமுக இன்று கருணாநிதியின் குடும்பத்தில் சிக்கி சின்னா பின்னமாவதொடு எந்த திராவிட இயக்கத்தால் நாம் எழுந்தொமோ அதனாலேயே தமிழர்கள் தரம் தாழ்த்தப்படும் சூழ்நிலையை உருவாக்கி இருக்கிறது.

எந்த காங்கிரஸ் கட்சியை தமிழகத்தில் வீழ்த்த வேண்டும் என்று துவங்க பட்ட திமுகஇன்று கருணாநிதி தலைமையில் அதே காங்கிரஸ் கட்சியிடம் காலில் விழுவது வேதனை.

Read More

தமிழகத்திலேயே ஏழ்மையான குடும்பம் கருணாநிதி குடும்பம் மட்டும் தான் !

கருணாநிதியின் குடும்பத்துக்கு இருக்கும் சொத்துப் பட்டியலை வெளியிட்டு இருக்கிறது, டெல்லியில் இருந்து வெளிவரும் 'த அதர் சைடு’ என்ற ஆங்கில மாத இதழ். இது ஏதோ, கருணாநிதிக்கு வேண்டாத அரசியல் எதிரிகள் நடத்தும் பத்திரிகை இல்லை. 'எனது நண்பர்... எமர்ஜென்ஸி கொடுமைகளை ஒன்றாகச் சேர்ந்தே எதிர்த்தோம்!’ என்று கருணாநிதியால் வாஞ்சையாகப் புகழப்படும் ஜார்ஜ் ஃபெர்னாண்டஸை ஆசிரியர் குழுத் தலைவராகக்கொண்டு இயங்கும் பத்திரிகை. இதன் ஆசிரியர் ஃபெர்னாண்டஸின் தோழி ஜெயா ஜெட்லி. ஜூலை இதழில் மூன்று பக்கங்களுக்கு கருணாநிதி குடும்பத்தின் சொத்துப் பட்டியல் வெளியாகி, டெல்லிப் பிரபலங்களைக் கலக்கி உள்ளது! 

'த அதர் சைடு’ பத்திரிகை வெளியிட்ட சொத்துப் பட்டியலைப் பார்த்து அதிர்ந்த பிரதமர் மன்மோகன் சிங், ''ஓ மை காட். கலைஞர்ஜி இந்த அளவுக்கு சொத்து சேர்த்துவைத்து இருக்கிறார் என்ற விவரம் எனக்கே அதிர்ச்சியாக இருக்கிறதே!’ என்று, அந்தப் பட்டியலைப்பற்றி விசாரிக்குமாறு மத்திய உளவுத் துறைக்கு உத்தரவிட்டாராம்.

அந்தக் கட்டுரையின் துவக்கத்தில், 'கருணாநிதிக்கும் அவரது குடும்ப உறுப்பினர்களுக்கும், தமிழகத்திலும் தென் இந்தியாவிலும் இருக்கக்கூடிய முக்கியமான சொத்துகளின் பட்டியல் விவரம். இது முழுமையான பட்டியல் இல்லை. கருணாநிதியின் குடும்பத்தாரால் வெளிநாடுகளில் மறைத்துவைக்கப்பட்டு இருக்கும் சொத்து பற்றிய விவரங்கள் இந்தப் பட்டியலில் இல்லை. வறுமைக் கோட்டுக்குக் கீழே உழன்ற கருணாநிதி மற்றும் அவரது குடும்ப உறுப்பினர்கள் (தங்களது அயராத உழைப்பால்!) கடந்த 60 ஆண்டுகளில் ஈட்டியவை இவை. தமிழகத்தில் வாழும் ஏழை எளியவர்களுக்காகக் காலம் எல்லாம் பாடுபட்ட மஞ்சள் சால்வைக்காரர், இன்று தேர்தல் முடிவுகள் தந்த கட்டாய ஓய்வில் நிலை குத்தி நிற்கிறார்!’ என்று எழுதி இருக்கிறது.

அந்த பத்திரிகை வெளியிட்டு உள்ள பட்டியலை அப்படியே தருகிறோம்!

1. 6,124 சதுர அடிகள் பரப்பளவுகொண்ட கருணாநிதியின் கோபாலபுரத்து வீடு - மதிப்பு 5 கோடி.

2. முரசொலி மாறனின் கோபாலபுரத்து வீடு - மதிப்பு 5 கோடி.

3. 1,200 சதுர அடிகள் பரப்பளவுகொண்ட முரசொலி செல்வத்தின் கோபாலபுரத்து வீடு - மதிப்பு 2 கோடி.

4. கோபாலபுரத்தில் சொர்ணத்தின் வீடு - மதிப்பு 4 கோடி.

5. கோபாலபுரத்தில் மு.க.முத்துவின் வீடு - மதிப்பு 2 கோடி.

6. கோபாலபுரம் அமிர்தத்தின் வீடு - மதிப்பு 5 கோடி.

7. மகள் செல்வி, எழிலரசியின் கோபாலபுரம் வீடு - மதிப்பு 2 கோடி.

8. சி.ஐ.டி காலனியில் 9,494 சதுர அடிகள் பரப்பளவுகொண்ட இடத்தில் 3,500 சதுர அடிகளுக்கு கட்டப்பட்டு இருக்கும் கருணாநிதியின் துணைவியார் ராஜாத்தி அம்மாளின் வீட்டு மதிப்பு - 12 கோடி.

9. மண்ணிவாக்கம் கிராமத்தில் ராஜாத்தி அம்மாளுக்கும், கனிமொழிக்கும் இருக்கும் 300 ஏக்கரின் மதிப்பு 4.5 கோடி.

10. ராயல் ஃபர்னிச்சர் என்ற பெயரில் இருக்கும் ராஜாத்தி அம்மாளின் ஷாப்பிங் நிறுவனத்தின் மதிப்பு - 10 கோடி.

11. 2,687 சதுர அடிகள்கொண்ட நிலப்பரப்பில் 2,917 சதுர அடியில் கட்டப்பட்டு இருக்கும் மு.க.ஸ்டாலின் வேளச்சேரி வீட்டு மதிப்பு - 2 கோடி.

12. நுங்கம்பாக்கத்தில் இருக்கும் உதயநிதி ஸ்டாலினின் ஸ்னோ ஃபவுலிங் சென்டரின் சொத்து மதிப்பு - 2 கோடி.

13. சென்னை போட் கிளப்பில் இருக்கும் கலாநிதி மாறனின் 16 கிரவுண்ட் மாளிகையின் நில மதிப்பு மட்டும் - 100 கோடி.

14. கொட்டிவாக்கத்தில் இருக்கும் மாறன் சகோதரர்களின் பண்ணை வீட்டின் மதிப்பு - 10 கோடி.

15. போரூர் ராமச்சந்திரா மருத்துவமனைக்கு அருகில் இருக்கும் எம்.எம் இண்டஸ்ட்ரீஸின் மதிப்பு - 2 கோடி.

16. 6 கிரவுண்ட் பட்டா நிலத்திலும், 1,472 சதுர அடி புறம்போக்கு நிலத்திலும் அமைந்து இருக்கும் கோடம்பாக்கம் 'முரசொலி’ அலுவலகக் கட்டடத்தின் மதிப்பு - 20 கோடி.

17. மகாலிங்கபுரத்தில் 2 கிரவுண்ட் நிலத்தில், சன் கேபிள் விஷன் சொத்து மற்றும் தொலைக்காட்சி உபகரணங்களின் மதிப்பு - 5 கோடி.

18. சன் டி.வி-க்கு எம்.ஆர்.சி. நகரில் இருக்கும் 32 கிரவுண்டின் மதிப்பு - 100 கோடி.

19. கோரமண்டல் சிமென்ட் கம்பெனியில் இருக்கும் 11 சதவிகித பங்குகளின் மதிப்பு - 50 கோடி.

20. பெங்களூருவில் இருக்கும் செல்வத்தின் அடுக்குமாடிக் குடியிருப்பின் மதிப்பு - 4 கோடி.

21. பெங்களூரு - மைசூர் நெடுஞ்சாலையில் அமைந்திருக்கும் செல்வியின் ஒரு ஏக்கர் பண்ணை வீட்டின் மதிப்பு - 80 கோடி.

22. மாறன் சகோதரர்களின் 1.84 ஏக்கர் பண்ணை வீட்டின் மதிப்பு - 120 கோடி.

23. பெங்களூருவில் 10 கிரவுண்டில் அமைந்திருக்கும் உதயா டி.வி. சேனலின் நில மதிப்பு - 108 கோடி.

24. பீட்டர்ஸ் ரோட்டில் இருக்கும் மு.க.தமிழரசுவின் 'ரெயின்போ இண்டஸ்ட்ரீஸின்’ மதிப்பு - 48 கோடி.

25. அந்தியூரில் இருக்கும் மு.க.தமிழரசுவின் 13 கிரவுண்ட் பண்ணை வீட்டின் மதிப்பு 30 லட்சம்.

26. புது டெல்லியில் இருக்கும் சன் டி.வி. அலுவலகத்தின் மதிப்பு - 50 கோடி.

27. எக்ஸ்பிரஸ் எஸ்டேட்டில் இருக்கும் பங்குகளின் மதிப்பு - தெரியவில்லை.

28. தினகரன் பப்ளிகேஷன்ஸ் - மதிப்பு தெரியவில்லை.

29. சுமங்கலி பப்ளிகேஷன்ஸ் - மதிப்பு தெரியவில்லை

30. முரசொலி அறக்கட்டளை - மதிப்பு தெரியவில்லை

31. ஒரு ஷேர் 48 என்ற கணக்கில் ஸ்பைஸ் ஜெட் ஏர்வேஸில் 37 சதவிகிதப் பங்குகளை கன்ஸாகரா நிறுவனத்திடம் இருந்து அமெரிக்காவின் 'வில்பர் ராஸ் அண்ட் ராயல் ஹோல்டிங்குஸ் சர்வீஸர்’ மூலமாக வாங்கப்பட்டது. இதை வாங்கிய சமயத்தில் 13,384 கோடிக்கு வாங்கியதாக கலாநிதி மாறனே பிரகடனம் செய்திருந்தார்.

32. மதுரை, மாடக்குளம் கிராமத்தில் தயாளு அம்மாள் அறக்கட்டளைக்கு இருக்கும் நிலத்தின் மதிப்பு - தெரியவில்லை.

33. தஞ்சாவூர் மாவட்டம் அகரத்திருநல்லூர் கிராமத்தில் கருணாநிதிக்கு இருக்கும் 21.30 ஏக்கரின் மதிப்பு - தெரியவில்லை.

34. திருவள்ளூர் மாவட்டத்தில் தயாளு அம்மாளுக்கு இருக்கும் 3.84 ஏக்கரின் மதிப்பு - 1 கோடி.

35. துர்கா ஸ்டாலினுக்கு திருவள்ளூர் மாவட்டத்தில் இருக்கும் 3,680 சதுர அடி நிலத்தின் மதிப்பு - 60 லட்சம்

36. மதுரை வடக்கு தாலுக்கா - உத்தன்குடி கிராமத்தில் இருக்கும் அழகிரியின் 2.56 ஏக்கர் நிலத்தின் மதிப்பு 2 கோடி.

37. மதுரை வடக்கு தாலுக்கா காலாத்திரி கிராமத்தில் அழகிரிக்கு இருக்கும் 7.53 ஏக்கரின் மதிப்பு - 2 கோடி.

38. மதுரை தல்லாகுளத்தில் அழகிரிக்கு இருக்கும் 1.5 ஏக்கரின் மதிப்பு - 5 கோடி.

39. மதுரை வடக்கு தாலுக்காவில் சின்னப்பட்டி கிராமத்தில் அழகிரிக்கு இருக்கும் 1.54 ஏக்கரின் மதிப்பு - 40 லட்சம்.

40. மதுரை திருப்பரங்குன்றத்தில் அழகிரிக்கு இருக்கும் 12 சென்ட் நிலத்தின் மதிப்பு - 50 லட்சம்.

41. மதுரை தெற்கு தாலுக்காவில் மாடக்குளம் கிராமத்தில் அழகிரிக்கு இருக்கும் 36 சென்ட் நிலத்தின் மதிப்பு - 1 கோடி.

42. மதுரை தெற்கு பொன்மேனி கிராமத்தில் அழகிரிக்கு இருக்கும் 18,535 சதுர அடி நிலத்தின் மதிப்பு - 2 கோடி.

43. மதுரை சத்திய சாய் நகரில் 21 சென்டில் உள்ள அழகிரி வீட்டின் மதிப்பு - 2 கோடி.

44. மதுரை மாவட்டம் வாடிப்பட்டி தாலுக்காவில் தொகரை கிராமத்தில் காந்தி அழகிரிக்கு இருக்கும் 21.6 சென்ட் நிலத்தின் மதிப்பு - 60 லட்சம்.

45. மதுரை மாவட்டம் (நாகமலைப் புதுக்கோட்டை) உலியம்குளம் கிராமத்தில் காந்தி அழகிரிக்கு இருக்கும் 5.32 ஏக்கர் நிலத்தின் மதிப்பு - 20 லட்சம்.

46. மதுரை மாவட்டம் மேலமாத்தூர் கிராமத்தில் தயாநிதி அழகிரிக்கு இருக்கும் 12.01 ஏக்கர் நிலத்தின் மதிப்பு - 50 லட்சம்.

47. மதுரை, திருமங்கலம் டி.புதுப்பட்டி கிராமத்தில் காந்தி அழகிரிக்கு இருக்கும் 21.32 ஏக்கர் நிலத்தின் மதிப்பு - 50 லட்சம்.

48. கொடைக்கானல் மலையில் 82.3 சென்ட் சூழ இருக்கும் காந்தி அழகிரியின் பண்ணை வீட்டு மதிப்பு - 5 கோடி.

49. மாடக்குளம் கிராமத்தில் தயாநிதி அழகிரிக்கு இருக்கும் 18.5 சென்ட் நிலத்தின் மதிப்பு - 50 லட்சம்.

50. சென்னைக்கு அருகில் சோழிங்கநல்லூரில் தயாநிதி அழகிரிக்கு இருக்கும் 4,200 சதுர அடியின் மதிப்பு - 2.5 கோடி.

51. சென்னை திருவான்மியூரில் தயாநிதி அழகிரிக்கு சொந்தமான 3,912 சதுர அடி நிலத்தின் மதிப்பு -

3 கோடி.

52. மதுரை சத்ய சாய்நகரில் தயாநிதி அழகிரிக்கு சொந்தமான 4,378 சதுர அடிகொண்ட கல்யாண மண்டபத்தின் மதிப்பு - 3 கோடி.

53. சென்னை, மாதவரம் பால் பண்ணைக்கு அருகில் உள்ள ஆர்.சி.மேத்தா நகரில் இருக்கும் தயாநிதி அழகிரியின் அடுக்குமாடிக் குடியிருப்பின் மதிப்பு - 1 கோடி.

54. சென்னை, ஈஞ்சம்பாக்கத்தில் இருக்கும் தயாநிதி அழகிரிக்கு சொந்தமான 50 சென்ட் நிலத்தின் மதிப்பு - 2 கோடி.

55. மதுரை சிவரக்கோட்டையில் இருக்கும் அழகிரிக்கு சொந்தமான தயா இன்ஜினீயரிங் காலேஜ் மதிப்பு - தெரியவில்லை.

56. மதுரையில் 5 கிரவுண்டில் இருக்கும் தயாநிதி அழகிரியின் 8 மாடிகள்கொண்ட 'தயா சைபர் பார்க்’ மதிப்பு - தெரியவில்லை.

57. மதுரை பேருந்து நிலையத்துக்கு அருகில் இருக்கும் 'தயா டெக்னாலஜிஸ்’ என்ற நகர்ப்புற சொத்தின் மதிப்பு - 1 கோடி.

58. சென்னை அண்ணா சாலையில் இருக்கும் வணிக வளாகம் (கதவு இலக்க எண்: 271-ஏ) மதிப்பு - 5 கோடி. இது கனிமொழிக்குச் சொந்தமானது.

59. 'வெஸ்ட் கேட் லாஜிஸ்ட்டிக்ஸ்’ என்ற கம்பெனியில் கனிமொழிக்கு இருக்கும் பங்கின் மதிப்பு - 20 கோடி.

60. கலைஞர் டி.வி-யில் கனிமொழிக்கு இருக்கும் பங்குகளின் மதிப்பு - 30 கோடி.

61. ஊட்டியில், வின்ட்ஸர் எஸ்டேட்டில் இருக்கும் 525 ஏக்கர் தேயிலை தோட்டத்தின் மதிப்பு - 50 கோடி. இது கலைஞர் குடும்பத்துக்கு சொந்தமானது.

62. கலைஞர் டி.வி-யில் தயாளு அம்மாளுக்கு இருக்கும் பங்குகளின் மதிப்பு - 90 கோடி.

63. அந்தமான் தீவுகளில் இருக்கும் 400 ஏக்கர் கலைஞர் குடும்பத்துக்கு சொந்தமானது - மதிப்பு தெரியவில்லை

64. கூர்க் (குடகு மலை) காபி தோட்டம், கலைஞர் குடும்பத்துக்குச் சொந்தமானது - மதிப்பு தெரியவில்லை.

65. தமிழ்நாட்டில் இருக்கும் ஒவ்வொரு பெரிய நகரத்திலும் மல்டிப்ளெக்ஸ் கட்ட கலைஞர் குடும்பத்துக்குத் திட்டம் உள்ளது.

66. எஸ்.டி. கூரியர் என்ற கம்பெனிக்கு சொந்தமான இரண்டு விமானங்கள் மாறன் சகோதரர்களுடையதே.

67. தமிழ்நாடு ஹாஸ்பிடல்ஸுக்குப் பின்னால் இருக்கும் 'சன் மெடிக்கல் காலேஜ் மற்றும் மருத்துவமனை’ - மாறனின் மகள் அன்புக்கரசிக்கு சொந்தமானது.

68. சாய்பாபாவுக்கும் கருணாநிதியின் குடும்பத்துக்கும் ஏற்பட்ட ஒரு வர்த்தக ஒப்பந்தத்தை அடுத்து, ஆபட்ஸ்பரி வளாகத்தில் கட்டப்பட்டு வரும் வணிக வளாகத்தை மாறன் சகோதரர்கள் கட்ட இருக்கும் மருத்துவமனைக்காக ஒப்படைக்க உள்ளார்கள்.

69. கோவை (புரூக் பாண்ட் சாலையில் இருக்கும் புரூக் ஃபில்ட்ஸ் வளாகத்தின் ஒரு பகுதியை) ஆர்.எம்.கே.வி. கடை அமைந்திருக்கும் ஒரு சொத்து கனிமொழிக்கு சொந்தமானது என்று பொதுமக்கள் நம்புகிறார்கள்.

- இவ்வாறு அந்தப் பத்திரிகை பட்டியல் இட்டுள்ளது. இதைப் பார்த்துத்தான் பிரதமர் பேஸ்தடித்துவிட்டார் என்கிறார்கள்.

''கோபாலபுரம் வீடும் திருவாரூர் மாவட்டம் காட்டூர் கிராமத்தில் உள்ள இடமும் மட்டும்தான் தலைவர் பெயரில் உள்ளது. இதை தலைவரே பகிரங்கமாகச் சொல்லி இருக்கிறார். அவரது குடும்ப உறுப்பினர்கள் மற்றும் சொந்தங்கள் பல்வேறு தொழில்களை பல ஆண்டுகளாகச் செய்து வருகிறார்கள். அவை எதையும் கணக்கில் கொள்ளாமல் அரசியல் மூலம்தான் இவை வந்தது என்று பொத்தாம் பொதுவாக கணக்கிடுவது தவறானது. பொதுவாக சொத்துகள் வாங்கும் போது விலை குறைவாக இருந்திருக்கும். காலப்போக்கில் ஏறிய விலையின் மதிப்பை வைத்து தற்போது சம்பாதித்ததாகச் சொல்வது பூதாகாரமாக்கப் பயன்படுமே தவிர உண்மை அல்ல!'' என்று தி.மு.க-வினர் இதற்கு விளக்கம் சொல்கிறார்கள்.

- வேல்ஸ்

-ஜூனியர் விகடன் 

தலை சுத்துதா ..........................? 

Read More

திராவிட இயக்கத்தை காக்க வைகோ பின்னால் அணி திரள வேண்டும்

திராவிட இயக்கம் என்பது ஆதிக்க சக்திகளுக்கு எதிராக உருவாக்க பட்ட இயக்கம். அடிமை தனம் ஒழியவும் சுயமரியாதையை காக்கவும்  உருவான இயக்கம். இன்று மீண்டும் ஆதிக்க சக்திகளுக்கு இரையாகி விடுமோ என்ற அச்சம் ஏற்பட துவங்கியிருக்கிறது.  பெரியார்  பகுத்தறிவு சிந்தனைகளை வளர்ப்பதிலும் மூடநம்பிக்கைகளை ஒழிப்பதிலும் மக்கள் மத்தியில் மிக பெரிய விழிப்புணர்வை ஏற்படுத்தினார். சாதி ஒழிப்பின் மூலம் மேல் சாதி கீழ் சாதி என்ற வேறுபாடுகள் இல்லாமல் அனைவரும் ஒரே சாதி என்ற நிலையை உருவாக்கவும் மேல் சாதியினரால் அடிமையாக்க படும் கீழ் சாதி மக்களின் விடுதலைக்காவும் திராவிட இயக்கம் வாயிலாக போராடினார்.

அடிமை தனமும்  ஆதிக்க சக்திகளும் காங்கிரஸ் கட்சியின் மூலதனமே காங்கிரஸ் கட்சி தான் என்பதால் காங்கிரஸ் கட்சியை தீவிரமாக எதிர்த்தார் பெரியார். காங்கிரஸ் கட்சியை தமிழகத் திலிருந்தே ஒழிக்க வேண்டும். திராவிடர்கள் கையில் ஆட்சி அதிகாரம் வர வேண்டும் என்று திராவிட முன்னேற்ற கழகம் துவங்கினார் அண்ணா.    இடையறாத பிரச்சாரம் விழிப்புணர்வு மூலம் காங்கிரஸ் கட்சியை வீழ்த்தி திமுக தமிழகத்தில் ஆட்சி பொறுப்பை ஏற்றது அண்ணா முதல்வரானார். இந்திய வரலாற்றிலேயே ஒரு மாநில கட்சி ஆட்சியை பிடித்தது முதலில் தமிழகத்தில் தான். இந்த வரலாற்று பெருமைக்கு காரணம் தமிழக மக்கள் மத்தியில் உருவாகியிருந்த திராவிட இயக்க உணர்வுகள். திராவிட இயக்கத்தின் விடுதலை வேட்கை பல காலமாக அடங்கியிருந்த உணர்வுகள் வெளிப்பட்டது. இந்தி மொழியை கட்டாய படுத்தி தமிழ் நாட்டில் திணிக்க நினைத்த போது மாணவர்கள் கிளர்ந்தெழுந்தது இந்திய வரலாற்றிலேயே மிக பெரிய கிளர்ச்சியாக அமைந்தது.

இப்படி பலரின்   தியாகத்தோடு வளர்ந்த திராவிட இயக்கம் காலத்தின் கோலத்தால் மிக விரைவிலேயே இயற்கை அண்ணாவை எடுத்து விட்டதால் திராவிட இயக்க தலைவர்கள் வரிசையில் 17  வது இடத்தில் இருந்த கருணாநிதி கட்சியை சூழ்ச்சியின் மூலம் கைப்பற்றினார்.    ஆட்சியை கைப்பற்றிய அன்றிலிருந்தே தமிழகத்தை பற்றியோ திராவிட இயக்கத்தை பற்றியோ சிந்திக்காத கருணாநிதி தன்  குடும்பம் பற்றியே சிந்தித்தார். தன் குடும்ப வளர்ச்சிக்காக திராவிட இயக்கத்தையும் தமிழியை பயன் படுத்த துவங்கினார். அதன் விளைவாக தன் மகனுக்கு போட்டியாக எம்ஜிஆர் வந்து விடுவார் என கருதி எம்ஜிஆரை கட்சியை விட்டு நீக்கினார். முதல் முறையாக ஆட்சி பொறுப்பை ஏற்ற போதே ஊழல் செய்து சர்க்காரிய கமிசனால் விஞ்ஞான கள்ளன் என்று அழைக்க பட்டார். 

எம்ஜிஆர் உயிரோடு இருக்கும் வரை எம்ஜிஆரின் அண்ணா  திராவிட   முன்னேற்ற கழகம் ஆட்சியை தக்கவைத்து கொண்டது. எந்த காங்கிரஸ் கட்சியை ஒழிக்க வேண்டும் என அண்ணா கருதி திமுகவை தோற்றுவித்தாரோ அந்த நோக்கத்தை அடியோடு குப்பையில் போட்டு விட்டு பதவி ஆசைக்காக இரு கழகங்களும் மாறி மாறி காங்கிரஸ் கட்சியுடன் கூட்டணி வைத்தன. 

எம்ஜிஆர் மறைவுக்கு பின்னர் அதிமுகவின் பொதுச்செயலாளர் ஜெயலலிதாவால் திராவிட யக்கம் திராவிட கொள்கைகள் அடிபட்டு போயின. எந்த ஆதிக்க சக்தியை எதிர்த்து திராவிட இயக்கம் செயல் பட்டதோ அதே திராவிட இயக்கத்தின் வழியாக ஆதிக்க சக்திகள் புகுந்தன. அன்று முதல் இன்றுவரை தமிழக அரசியலை ஆதிக்க சக்திகள் ஆட்டி படைக்கின்றன. தமிழ் திராவிடம் என்று எந்நேரமும் சொல்லும் கருணாநிதி மீண்டும் குடும்ப கட்டுபாட்டுக்குள் கட்சியை கொண்டு வர வைகோவை இல்லாத ஒரு பழியை சொல்லி கட்சியை விட்டு நீக்கினார்.        

அந்த தேர்தலில் ஆட்சியை பிடிக்க ஆதிக்க சக்திகளின் உதவியை நாடியும் காங்கிரஸ் கட்சி தலைவர் மூப்பனாரால் துவங்க பட்ட தமிழ் மாநில காங்கிரஸ் கட்சியுடன் கூட்டு சேர்ந்து ஆட்சியை பிடித்தார். ஒவ்வெரு தேர்தலிலும் காங்கிரஸ் கட்சியுடன் கூட்டணி வைத்து காங்கிரஸ் கட்சியை வளர்த்து விட்டும் தானும் பலனடைந்து கொண்டன இரண்டு கழகங்களும். கருனாநிதியாலோ ஜெயலளிதாவாலோ  திராவிட இயக்க  கொள்கைகளை தூக்கி பிடிக்க முடியவில்லை . அண்ணா துவங்கிய திமுகவை இந்திய அளவில் கெட்ட பெயரை   உருவாக்கும் விதமாக தன் பிள்ளைகள் மூலம் ஊழல் செய்தார். திமுகவின் ஐம்பெரும் தலைவர்களாக கருணாநிதி , கருணாநிதியின் பிள்ளைகள் , பேரன் ஆகியோர் விஸ்வரூபம் எடுத்தனர். அதன் விளைவாக இன்று இரண்டு லட்சம் கோடி ஊழல் ஊழலுக்கு பரியாகரமாக ஈழ தமிழர்களை கொல்ல காங்கிரஸ் கட்சிக்கு செய்த உதவிகள் ஏராளம். ஆனால் இன்று தமிழகத்தில் யாருமே அனுதாப பட முடியாத அளவிற்கு கனிமொழி ஜெயிலில் இருக்கிறார். 

இந்த நிலையில் கருணாநிதி மற்றும் குடும்ப உறுப்பினர்களால் லட்சோப லட்சம் உறுதி மிக்க தொண்டர்கள் கொண்ட திராவிட இயக்கத்தையும்  திமுகவையும் காக்க வேண்டியது காலத்தின் கட்டாயம். இன்றும் திமுக என்ற பெயருக்காக உறுதிமிக்க தொண்டர்கள் திமுகவில் தொடர்ந்து வருகிறார்கள். அவர்களின் ஒரே கவலை திமுக அழிந்து விடுமோ என்பது தான். இந்த நிலையில் திராவிட இயக்கத்தில் மாற்றம் உருவாக்க வேண்டியது காலத்தின் கட்டாயம். பெரியாரின் பகுத்தறிவு கொள்கையில் அண்ணாவின் வழியில் இன்றுவரை பயணித்து வரும் வைகோ பின்னால் ஒவ்வெருவரும் அணி திரள வேண்டிய கட்டாயம் வந்திருக்கிறது. திமுகவின் தற்போதைய தலைவரால் தன் மகளை எப்படி வெளியே எடுப்பது என்ற கவலை தானே தவிர தமிழகம் பற்றியோ திராவிட இயக்கம் பற்றா எந்த கவலையும் இல்லை. இந்த நிலையில் அதிமுகவிற்கு மாற்று சக்தியாக செயல்படும் தகுதியை திமுக இழந்ததால் அந்த பணியை வைகோ தலைமையில் மதிமுக செய்யும். சுயரியாதையை இழந்து கருணாநிதி இருக்கும் வேளையில் சுயமரியாதை தான் முக்கியம் என்று தேர்தலையை துணிந்து புறக்கணித்த தலைவன் வைகோ தலைமையில் கீழ் திராவிட இயக்கத்தை காக்கவும் தமிழினத்தை காக்கவும்  திராவிட இயக்கம் பயணிக்க வேண்டும்! செயல் படுவோம்.             

Read More

அதிமுகவையும் திமுகவையும் எதிர் கட்சி வரிசையில் அமர்த்துவோம்

அதிமுகவும் திமுகவும் தமிழகத்தை மாறி மாறி ஆட்சி செய்து தமிழகத்திற்கு இருண்டகாலத்தை உருவாக்கி விட்டன. உலக மகா ஊழல் செய்து உலகத்திலே எந்தவொரு ஆளுங்கட்சியும் கேவல படாத அளவிற்கு கேவல பட்டிருக்கும் திமுக காங்கிரஸ் கூட்டணியை தோற்கடிக்க ஓரணியில் திரண்டால் ஊழல் ராணியாக வலம் வந்து  தோல்வி கொடுத்த வலியால் திருந்தியிருப்பார் என நினைத்தால் . நான் இப்படி தான் இருப்பேன் திருந்த மாட்டேன் என அடம் பிடிக்கும் ஆணவ ஆதிமுகவையும் எதிர் கட்சி வரிசையில் பார்க்க தமிழக மக்களுக்கு ஒரு வாய்ப்பு ஏற்பட்டிருக்கிறது. 

119  தொகுதிகளில் போட்டியிடும் திமுகவால் தனி பெரும்பான்மை ஆட்சி அமைக்க முடியாது . மதிமுக இல்லாத அதிமுகவால் வெற்றி பெற முடியது . இதனால் தான் தேமுதிக கம்யூனிஸ்ட் கட்சிகளே அதிமுக கூட்டணியில் தொடர பயப்படுகின்றன.  ஒருவேளை இவர்கள் சமரசம் ஆகி போனாலும் மதிமுக தலைமையில் மூன்றாவது அணி அமைவது உறுதியாகி விட்டது . 

 

கருணாநிதி , ஜெயலலிதாவால் தமிழகம் சீரழிந்தது போதும் என்ற நோக்கில் வைகோ தலைமையிலான மூன்றாவது அணியை மக்கள் புரட்சி மூலம் ஏற்படுத்த வேண்டும் . மதிமுகவிற்கு மட்டுமல்லாது மாற்றம் விரும்பும் தமிழக மக்களுக்கு இது ஒரு வாய்ப்பு . அதிமுக ஆட்சிக்கு வரவேண்டும் அவர்கள் நல்லாட்சி தருவார்கள் என்பதற்காக அதிமுகவை ஆதரிக்கவில்லை . கொடிய விசா கிருமிகளான திமுக மீண்டும் வெற்றி பெற்றால் தமிழகத்தை இந்த விசகிருமிகளால் மீட்க முடியாது என்பதற்காக ஆதரித்தால் . ஜெயலலிதாவும் விசத்தை கக்க தேர்தலுக்கு முன்பே தயாராகி விட்டார் . 

 

இதே நிலையில் ஜெயலலிதாவின் ஆட்சி ஏற்பட்டால் இன்னும் தமிழகம் சீரழிக்க பட்டு விடும் . இரண்டு விசகிரிமைகளையும் அழிக்க வேண்டிய கடமை இப்போது வைகோவிற்கு இருக்கிறது . அதே நேரம் வைகோவிற்கு உறுதுணையாக இருக்க வேண்டிய கடமை பொது மக்களாகிய நமக்கு இருக்கிறது .  

 

தமிழின உணர்வாளர்களும் , நாளைய தமிழகம் வளம் மிக்கதாய் மாற வேண்டும் என நினைக்கும் நலம் விரும்பிகளும் வைகோவிற்கு உறுதுணையாய் களம் காண வேண்டும் .  ஒருபுறம் திமுகவிற்கு எதிரான மிக பெரிய அலை இன்னொரு புறம் அதிமுக மீதான நம்பக தன்மை இந்த இரண்டிற்கும் நடுவில் மூன்றாவது அணி வரவேண்டும் என எங்கும் எண்ணற்ற மக்கள் இருக்கிறார்கள் . 

எல்லா தேர்தலும் ஓன்று போல் இருப்பதில்லை எல்லா தேர்தல்களை விடவும் இந்த தேர்தல் இரண்டு கட்சிகள் மீது நம்பிக்கையற்ற வாக்காளர்கள் சதவீதம் பெருகி விட்டது . இது தான் சரியான தருணம் . மதிமுகவிற்கு இது ஒரு வாய்ப்பு அதே நேரம் தமிழக மக்களுக்கும் இது ஒரு மிக பெரிய வாய்ப்பு . காலம் கடந்து விட்டது என நினைத்து அருமையான சந்தர்ப்பத்தை தவற விட வேண்டாம் . 

 

மேற்கு வங்காளத்தில் கம்யூனிஸ்ட் கட்சி முதலில் ஆட்சி பிடிக்கும் முன்னர் அப்போதைய ஜனதா தளத்தோடு கூட்டணி உடன்பாட்டி 70  தொகுதிகள் கேட்டு கொடுக்காமல் கூட்டணியை விட்டு வெளியேறி தனி அணியில் போட்டியிட்டு ஆட்சியை பிடித்தது என்பது வரலாறு . அந்த வரலாறு மீண்டும் தமிழகத்தில் திரும்பும் துணிந்து வாருங்கள் கைகொடுக்க மக்கள் இருக்கிறார்கள் .

Read More

கலைஞர் குடும்பத்திற்காக தற்கொலை செய்யும் அடிமைகள்

உலக மகா ஊழலான ஸ்பெக்ட்ரம் ஊழலில் தொடர்புடைய ராஜாவின் பினாமியும் நண்பனுமான சாதிக் பாட்சா இன்று தற்கொலை செய்து கொண்டது மேலும் பரபரப்பையும் பதட்டத்தையும் உருவாக்கியிருக்கிறது . பல கட்ட விசாரணைகள் நடந்து முடிந்த நிலையில் இந்த ஊழல் கலைஞரின் குடும்பம் தான் சம்மந்த பட்டிருப்பதாக எல்லோருக்கும் தெரிந்து விட்ட நிலையில் சாதிக் பாட்சாவின் தற்கொலை மேலும் பல உண்மைகளை வெளிபடுத்த இருக்கிறது . 

இதேபோல் கடந்த சில ஆண்டுகளுக்கு முன்னர் முக . ஸ்டாலினின் நண்பர் என அறியப்பட்ட ரமேஷ் தற்கொலை செய்து கொண்டதும் பிக பெரிய பரபரப்பை ஏற்படுத்தியது . அரசியல் கொலைகளை கேள்வி பட்டிருப்போம் . ஆனால் இந்த மாதிரியான திமுக அரசியல் கொலைகள் மிகவும் வித்தியாசமாக இருக்கும் . 

தேர்தல் நெருங்கி விட்டதால் எதிர்கட்சிகள் இதையே தேர்தல் பிரச்சாரமாக செய்வார்கள் என்பதால் உடனடியாக சிபிஐ விசாரணைக்கு உத்தரவிடப்பட்டுள்ளது .  மாநில அரசு உத்தரவிடாவிட்டாலும் சிபிஐ விசாரிக்கும் என்பது எல்லோருக்கும் தெரிந்த கதை தான் . சாதிக் பாட்சா சிபிஐ விசாரணையின் பிடியில் உள்ளவர் . ஏற்கனவே சிபிஐ சாதிக் பாட்சாவிடம் விசாரணை நடத்திருக்கிறது . 

உலகையே வியக்க வைத்த ஸ்பெக்ட்ரம் ஊழல் செய்த ராஜாவின் நெருங்கிய நண்பர் தான் சாதிக் பாட்சா . இவர் ராஜா மந்திரி ஆனா பின்னர் கிரீன் கவுஸ் ப்ரோமொடேர்ஸ் என்ற ரியல் எஸ்டேட் நிறுவனம் நடத்தி வருகிறார் . இந்த நிறுவனமே ராஜாவிற்கு உள்ளது என்று தான் செய்திகள் தெருவிக்கின்றன . திகார் ஜெயிலில் இருக்கும் ராஜா யாருக்காக இந்த ஊழலை செய்தார் என்பது சமீபத்தில் சிபிஐ - ஆல் விசாரணை செய்ய பட்ட கலைஞரின் ஒரு மனைவியும் இன்னொரு மனைவியின் மகளுக்கும் தான் வெளிச்சம் . 

இன்று காலை டில்லி செல்வதற்கு விமான டிக்கெட் எடுத்து வைத்திருந்ததாகவும் , சாதிக் பாட்ச அப்ரூவர் ஆக முடிவெடுத்த நிலையில் இந்த தற்கொலை நடந்திருப்பது மேலும் பல சந்தேகங்களை ஏற்படுத்தியிருக்கிறது . ஏற்கனவே ஸ்டாலினின் பினாமியாக கருதப்பட்ட ரமேஷ் தற்கொலை செய்து கொண்டார் . அதே போல் கனிமொழிக்காக ஊழல் செய்த ராஜாவின் பினாமியாக கருதப்பட்ட சாதிக்கும் இப்போது தற்கொலை செய்துள்ளார் . 

யாரை காப்பாற்ற இந்த தற்கொலைகள் என்பது விசாரணைக்கு பின்னர் தான் தெரிய வரும் . நல்ல வேளை ராஜா ஏற்கனவே ஜெயிலுக்கு போய் விட்டார் அதனால் தப்பித்தார் .......... முட்டாள் தனமாக நம்பியிருக்கும் தொண்டர்களை எப்போது தற்கொலை செய்ய வைப்பார்களோ என்ற அச்சம் தான் இப்போது மிச்சம் .

Read More

சேர்ந்திருந்த துரோகிகள் தனிதனியாகி இருக்கிறார்கள்

பலகட்ட பேச்சுவார்த்தைகளுக்கு பின்னர் திமுக காங்கிரஸ் கூட்டணி உடைந்துள்ளதாக திமுக உயர்நிலை கூட்டத்தில் முடிவெடுக்க பட்டுள்ளது . இந்த இரண்டு கட்சிக்களுமாக சேர்ந்து தமிழகத்திற்கு எவ்வளவு கெடுதல் செய்ய முடியுமோ அவ்வளவு செய்து வந்தனர் .

முல்லை பெரியாறு அணையில் காங்கிரஸ் கட்சிக்காக தமிழகத்திற்கு பாதகாமான செயல் பாடுகளில் ஈடு பட்டது.  காங்கிரஸ் கட்சி கர்நாடகத்தில் ஆட்சியை பிடிக்க வேண்டும் என்றே  ஒகேனக்கல் கூட்டு குடிநீர் திட்டத்தையே ஒத்தி போட்டவர் தான் இந்த கலைஞர் . மக்களின் குடிநீர் வாழ்வாதாரம் எதுவும் முக்கியமில்லை காங்கிரஸ் கட்சி தான் முக்கியம் என்று இருந்தார் . 

ஸ்பெக்ட்ரம் ஊழலில் காங்கிரஸ் திமுக இரண்டுமே சேர்ந்து கூட்டு கொள்ளையடித்தது. அந்த ஊழல் பணத்திற்காக தமிழகத்தையே காங்கிரஸ் கட்சிக்கு விலை பேச துணிந்தவர் தான் இந்த கலைஞர் . பணம் என்றால் பிணமும் வாய் திறக்கும் என்பது கருணாநிதிக்கு சரியாக இருக்கும் . 

என்றும் தமிழகர்கள் மத்தியில் ரத்த கறைகளோடு வலம் வந்தது தான் தன் வாழ்க்கையில் செய்த மிக பெரிய துரோகம் . காங்கிரஸ் கட்சியுடன் சேர்ந்து ஈழத்திலே சிங்கள இனவெறி அரசால் மேற்கொள்ளப்பட்ட இன படுகொலைக்கு சரியான பாதையை ஏற்படுத்தி கொடுத்தவர் . தன்னை தமிழின தலைவனாக காட்டி கொண்டு தமிழர்கள் கொல்ல பட்ட பொது கடிதம் எழுதியும் , காலை உணவை முடித்து மதிய உணவிற்கு முன்னர் ஒரு உண்ணாவிரதம் நடத்தி மக்கள் மத்தியில் பல நாடகங்களை அரங்கேற்றி முள்ளி வாய்க்காலில் 25 ஆயிரத்திற்கும் மேற்பட்ட தமிழர்களை கொல்ல காரணமாக அமைந்தார் கருணாநிதி . 

ஸ்பெக்ட்ரம் பணத்தை கொள்ளையடிக்க வேண்டும் என்பதற்காக தமிழ் இனத்தையே கருவறுக்க துணிந்தவர் தான் கருணாநிதி . பைபிளில் 30 வெள்ளி காசுக்காக இயேசுவை யூதாஸ் காட்டி கொடுத்தாக இருக்கிறது . அதே போல் நிகழ் கால யூதசாக கருணாநிதி 175000 கோடி பணத்திற்காக லட்சம் தமிழ் மக்கள் கொல்லப்பட காரணமாகி விட்டார். தமிழக மீனவர்கள் சிங்கள கடற்படையால் கொல்ல பட்ட போதும் கடிதம் எழுதினார் . ஆனால் மகனுக்கு மந்திரி பதவி கிடைக்க வேண்டும் என்பதற்காக டில்லி சென்று போராடினார் .

தெரிந்து திருடுகிறவனை இன்னொரு திருடன் முதலில் திருட விட்டு பின்னர் பிளாக்மெயில் செய்வது போல் காங்கிரஸ் கட்சி திமுகவை செய்தது . பொறுக்க முடியாமல் வேறு வழியின்றி இப்போது காங்கிரஸ் கட்சியை கழற்றி விட்டிருக்கிறது திமுக . ஈழ போராட்டடம் நடைபெற்று கொண்டிருந்த பொது சிங்கள இனவெறி படை ஈழ சகோதரர்களை சிறு குழந்தைகள் என்றும் கூட பார்க்காமல் கொன்று குவித்த பொது அனைவராலும் காங்கிரஸ் கட்சிக்கு கொடுக்கும் ஆதரவை விலக்கி கொள்ளுங்கள் என கருனாநிதியிடம் கேட்க பட்டது .  ஆனால் அந்த நேரமெல்லாம் காங்கிரஸ் கட்சிக்கு உறுதுணையாக இருந்து விட்டு இப்போது தங்கள் ஆட்சியமைக்க பெரும்பான்மை பலம் இல்லாமல் போய்விடுமோ என்று காங்கிரஸ் உடனான கூட்டணியை முறித்திருக்கிறது . 

ஐயா கலைஞரே இதே முடிவை நீங்கள் இரண்டு ஆண்டுகளுக்கு முன்னர் எடுத்திருந்தால் ஈழத்து சகோதர சகோதரிகள் காப்பற்ற பட்டிருப்பார்கள் . உங்களையும் மனிதம் வாழும் வரை உலகம் போற்றியிருக்கும் . அதை விட்டு விட்டு உங்கள் குடும்ப சுயநலத்திற்காக நீங்கள் எடுத்திருக்கிற இந்த முடிவால் மக்கள் காறி துப்ப தான் செய்வார்கள் . 

வாக்காள பெருமக்களே இப்போது துரோகியையும் எதிரியையும் தோற்கடிக்க வாய்ப்பு சரியாக வந்திருக்கிறது . காங்கிரஸ் கட்சி அனைத்து தொகுதிகளிலும் தனியாக நிற்கட்டும் அவர்கள் தானாகவே அழிந்து போவார்கள் . துரோகி திமுகாவை முழு மூச்சோடு எதிர்த்து தோற்கடிக்க பட வேண்டும் . இந்த தோல்வி வாழ்வில் மறக்க முடியாத மரண அடியாக கலைஞருக்கு இருக்க வேண்டும் .

Read More

திமுக எதிர்கட்சியாக இருக்க பத்து தகுதிகள்

ஒரு கட்சி எதிர்கட்சியாக இருக்கவும் சில தகுதிகள் வேண்டும். இமாலய ஊழலான ஸ்பெக்ட்ரம் ஊழலில் சிபிஐ சில நடவடிக்கைகளையாவது எடுத்திருக்கிறது என்றால் எதிர்கட்சிகளின் இடைவிடாத போராட்டங்கள் தான். அப்படி ஒரு போராட்டங்கள் நடைபெறாமல் இருந்திருந்தால் ஒரே குடும்பம் இன்னும் பல கொடிகளை சுருட்டியிருக்கும். 

1. தமிழகத்தில் மக்கள் மத்தியில் இன்று போராட்ட குணம் குறைந்திருக்கிறது இதுவே திமுக எதிர்கட்சியாக இருந்திருந்தால் போராட்ட குணம் மக்கள் மத்தியில் இன்னும் அதிகமாகியிருக்கும். 
2. உலகத்திலே எங்கும் இல்லாத அளவிற்கு மிகப்பெரிய இனபடுகொலை தமிழ் ஈழத்தில் இந்திய காங்கிரஸ் அரசின் துணையோடு நடந்து முடிந்தது . இந்த போர் நடைபெற்ற நேரம் திமுக எதிர்கட்சியாக இருந்திருந்தால் தன் கட்சியை வளர்க்கவாவது விலை போகாமல் எதிர்த்து போராடியிருக்கும். 
3. உலக மகா ஊழல் செய்தவன் ஒரு தமிழன் என்ற இழி பெயர் தமிழ் சமுதாயத்திற்கு கிடைத்திருக்காது. 
4. ஒரு சுப்பிரமணிய சாமிக்காக வழக்கறிஞர்கள் மீது தாக்குதல் நடைபெற்றிருக்காது. 
5. டி ஆர் பாலுவின் கப்பலில் பணிபுரியும் மீனவர்களை எல்லை மீறி மீன் பிடிக்க சொல்லி அதே நேரம் டக்ளசோடு சேர்ந்து நாடகமாடி தமிழக மீனவர்கள் இலங்கை மீன்வர்களுக்குமான உறவை துண்டிக்க முயற்சிகள் மேற்கொண்டிருக்க பட்டிருக்காது. 
6. முல்லை பெரியாறு அணை விவகாரத்தில் கேரளாவிற்கு சாதகமான நிலை ஏற்பட்டிருக்காது. 
7. 80 வயது நிரம்பிய பார்வதி அம்மா மருத்துவத்திற்காக சென்னை வந்த போது திருப்பி அனுப்பியிருக்க மாட்டார்கள். 
8. தன் பிள்ளைகளை கொள்ளையடிப்பதற்கும், சினிமா, மீடியா போன்ற எல்லா துறைகளையும் கையில் எடுக்க முடிந்திருக்காது.  
9. இப்போது இருப்பது போன்று தமிழகத்தில் திமுக   ஆட்சியில் இருந்தால் திமுக குண்டர்களால் பொது மக்களுக்கு மிரட்டல்கள் வராது. 
10. மணல் கொள்ளைகள், கிரானைட் கொள்ளைகள் , அறிவிக்கபடாமல் பேருந்து கட்டணம் உயர்த்தியது, போன்ற திருட்டு   செயல்கள் இருந்திருக்காது.   

 

 

Read More

மதுரையில கழிவறை கட்டியிருக்கிறார் அழகிரி வாங்க பாராட்டலாம்

நல்லது செய்தா பாராட்ட வேண்டும் இது தான் மரபு அப்படி பாராட்டாமல் இருப்பது மிக பெரிய குற்றம் . ஒரு மக்கு பையன் படிக்கும் போது சரியாக படிப்பதேயில்லை ஆசிரியர் சொல்லும் எதுவுமே அவனுக்கு புரிவதும் இல்லை இப்படியே பல நாட்கள் ஓடி போனது ஒரு முறை தேர்வில்  குறைந்த பட்ச வெற்றி மதிப்பெண்கள் பெற்று வெற்றி பெற்றான் . ஆசிரியர் அவனை பாராட்டினார் ஆசிரியருக்கும் மிக பெரிய மகிழ்ச்சி இவ்வளவு நாட்கள் தேராமல் இருந்த ஒருவன் தேறியிருக்கிறான் பாராட்டாமல் இருக்க முடியுமா? 

இது தாங்க பாராட்டு இப்படி ஒரு பாராட்டு வேண்டுமென்றால் அழகிரிக்கு கொடுக்கலாம் . என்ன பாராட்டு எல்லாம் எதுக்கு அப்படி தானே கேட்கிறீங்க? சொல்றேன் மதுரைக்கு சென்ற வேளையில் எதேச்சியாக ஒரு படத்தை பார்த்தேன் அதை  புகைப்படமாக்கி அது பற்றிய ஒரு பதிவும் போட்டேன் அதை பார்க்கணுமா அப்போ இந்த பக்கமா போங்க   . பார்த்துட்டீங்க தானே இப்போ சம்பவத்துக்கு வருகிறேன். இந்த புகைப்படம் பற்றிய விவாதம் http://www.facebook.com/home.php#!/photo.php?fbid=1693166976473&set=a.1134458769117.21317.1456758830  இந்த பக்கத்தில போகிட்டிருக்கு. இதை பற்றி நண்பர் பிரின்ஸ் அவர்கள்  இலவசக் கழிவறையும், சில கழிவுகளும் அப்படின்னு ஒரு பதிவு போட்டாரு அதில அவரு பாராட்டி ஆக வேண்டும் என்று விரும்பி கேட்டதால் தான் இந்த பாராட்டு மழை.

ஒவ்வெரு பேருந்து நிலையத்திலும் கழிவறைகள் அமைக்க வேண்டும் அதை பராமரிக்க வேண்டும் இது அரசின் கடமை. ஆனால் ஒரு மத்திய அமைச்சர் கழிவறை அமைத்திருக்கிறார் அப்போ பாராட்டாமல் இருக்க முடியுமா?  பல  லட்சம் கோடி  ஸ்பெக்ட்ரம் ஊழல் இன்று அனைவரையும் வாய் பிளக்க வைத்திருக்கிறது. அது மட்டுமா மந்திரி பதவிக்காக பேரனே பாட்டிக்கு அறுநூறு கோடி கையூட்டு கொடுத்திருக்கிறார்.  கலைஞரின் துணைவியாரின் மகள் கனிமொழியின் சொத்து சேர்ப்பு . மாமன் மருமகன் சண்டையில் தினகரன் அலுவலகம் எரிக்க பட்ட போது பலியான அப்பாவி மூன்று உயிர்கள் , அந்த வழக்கு இப்போ என்ன ஆச்சுனே தெரியல , திமுகவின் மூத்த முன்னணி தலைவர் தா.கிருட்டிணன் தன்னை தானே வெட்டி கொலை செய்தது ( ஆமா கொலை வழக்கிலிருந்து எல்லோரும் விடுவிக்க பட்டால் அப்படி தானே இருக்கும்)  இப்படி பாராட்ட பல நற்செயல்கள் இருக்கும் போது கழிவறை கட்டியதை பாராட்டாமல் இருக்க முடியுமா?   

திமுகவை குறித்து மோசமான குறுந்தகவல்கள் கூட அனுப்புகிறார்களாம் இப்படி வேற கொடுமை படுத்துறாங்களா? இதையெல்லாம் பொறுக்க முடியாது அப்படி சொல்லி விட்டார்கள்  அண்ணனின் தம்பிமார்கள். ஏற்கனவே வீரபாண்டி ஆறுமுகம் தமிழ் நாட்டின் பெயரை கலைஞர் நாடு என மாற்றலாம் என்று சொல்லி விட்டார். ஓரளவிற்கு எல்லா இடங்களையும் அவங்க பேரிலும் பினாமி பெயரிலும் வாங்கிட்டாங்க அப்புறம் அவங்க நாடு அதுக்கு அவங்க பெயர் தானே வைப்பாங்க . அப்படி இப்படியுமா அங்கங்கே ஓட்டிகிட்டு இருக்கிற அடிமை மக்களுக்கு ஏற்கனவே ஒரு ருபாய் அரிசி கொடுத்தாச்சு , இலவச வண்ண தொலைகாட்சி கொடுத்தாச்சு இனி இலவச அரிசி வரும் அப்போ எல்லோரும் ஜாமீன் சொல்றத கேட்டு தானே ஆகணும். அதனால் பெயர் மாத்துறதில பிரச்னை இருக்காது . 

இப்படியெல்லாம் நல்ல காரியங்கள் செய்யும் போது பாராட்ட வேண்டும் . தம்பிகள் ஏதோ அண்ணன் மேல உள்ள பாசத்தில கழிவறை கூட விட்டு வைக்காமல் படத்த போட்டுட்டாங்க. ஆனால் அந்த படம் என்னை கேட்டால் அந்த இடத்தில் வைக்க மட்டும் தான் தகுதி இருக்கு என்பேன் ஏன்னா அவரு தானே கட்டினாரு ..... சரிங்க நண்பரின் விருப்பத்திற்கு இணங்க அண்ணன் அழகிரியை அனைவரும் பாராட்டுவோம் ........... அண்ணே பாராட்டுகள் இதே போல எல்லா பேருந்து நிலையங்களிலும் கழிவறைகள் இருக்கிறது முடிந்தால் தம்பிகள் மூலமாக முயற்சித்து பாருங்கள் அப்போ மேலும் மேலும் பல பாராட்டுகள் கிடைக்கும் ....................         

Read More

தம்பிமார்களின் பாசத்திற்கு அளவே இல்லை

அஞ்சா நெஞ்சர் அழகிரி மீது தம்பிமார்கள் அளவு கடந்த பாசம் வைத்திருக்கிறார்கள் என்பதை மதுரை சென்றால் மட்டுமே காண முடியும் . எங்கு பார்த்தாலும் அழகிரியின் கட அவுட்டுகள் தான் . ஒரு கட்டத்தில் பாசத்திற்கு அளவே இல்லாமல் ஆண்கள் கழிவறையில் அழகிரி படம் வைக்க பட்டுள்ளது . தம்பிணா இப்படி இல்லா இருக்கணும் நிரூபித்த மதுரை கழக உடன் பிறப்புகளுக்கு பாராட்டுகள் ................... அப்படியாவது பெண்கள் கழிவறைக்குள் ஆண்கள் செல்லாமல் இருந்தால் சரி .

        கிளிக் : மதுரை அண்ணா பேருந்து நிலையம்

Read More

அரசனை நம்பி புருசனை கைவிட்ட திமுக

தமிழகத்தில் திமுகவின் நான்காண்டு சாதனைகளை சொல்லி கொண்டே போகலாம் என உடன் பிறப்புகள் தங்களுக்குள் மகிழ்ச்சி பொங்க பேசி கொண்டிருக்கிறார்கள் . கடந்த ஒரு வார காலமாக உடன் பிறப்புகளுக்கு எங்கு சென்றாலும் என்ன உங்களை இந்த பக்கம் காணவே இல்லை அந்த குரல்களோடு சிலர் அழைத்து என்னையா இது ஒன்னு ரெண்டு கோடியா ....................? எவ்வளவுயா? உனக்கு ஏதாவது ......?  இப்படியே தான் மக்களின் பேச்சுக்கள் இருக்கின்றன . 

நான்கு ஆண்டுகளில் திமுக என்ன சாதித்தோ இல்லையோ அதுவல்ல ஆனால் இந்தியாவில் மட்டுமல்லாது உலகத்திலே மிக பெரிய ஊழலாக கருத படும் ஸ்பெக்ட்ரம் அலைவரிசை ஊழலால் ஒரு கெட்ட பெயர் உருவானது என்னவோ உண்மை . பதவி வேண்டும் என்றால் யார் காலிலும் விழுந்து யாரை வேண்டுமானாலும் காட்டி கொடுத்து வாழும் காலமாக இந்த காலம் மாறிவிட்டது . மனிதாபிமானமோ ,கொள்கையோ , இரக்கமோ , தொலைநோக்கு பார்வையோ சிறிதும் இல்லாமல் போய்விட்டது . தமிழகம் உணர்வற்ற மாநிலமாக மாறிவிட்டது . அதன் விளைவு உலகத்திலே மிக பெரிய ஊழல் செய்தவன் தமிழன் என்ற பெயர் கிடைத்திருக்கிறது . மக்களின் எண்ணங்களோ சில்லறைக்கு ஆசைப்பட்டு ருபாய் நோட்டுகளை தொலைப்பதை போலாகி விட்டது . சிந்திக்கும் ஆற்றல அற்று போய் விட்டது .

திமுகவின் இந்த நான்கு ஆண்டு காலங்களில் தமிழர்கள் தங்கள் உரிமைகளை தொலைத்தது ஏராளம் . அடுத்த தலைமுறையினரின் வாழ்க்கையை பதவிக்காக விலை பேசி விட்டது . காங்கிரஸ் தலைமையிலான மத்திய ஆட்சியில் அமைச்சர் பதவி மட்டும் போதும் அதன் மூலம் நாங்கள் பிழைத்து கொள்ளலாம் என இருந்த விளைவு தான் . முல்லை பெரியாறு மீதான நமது உரிமை பறி போய் கொண்டிருக்கிறது . காவிரியில் கிடைக்க வேண்டிய தண்ணீர் கிடைக்காமல் போகிறது . காங்கிரஸ் தலைமையிலான அரசின் மூலம் திட்டமிட்டு நடத்த பட்ட தமிழர்கள் அழிப்பின் போது கைகட்டி வேடிக்கை பார்த்து கொண்டிருந்தது தான் திமுக அரசு . 

மீனவர்கள் நலனை பாதிக்கும் சட்டங்கள் கொண்டு வந்த போதும் ஆதரவளித்து கொண்டிருந்தது . சிங்கள கடற்படையினால் தமிழக மீனவர்கள் சுட பட்ட போது தடுக்க்கவுமில்லை தட்டி கேட்கவுமில்லை . ஒகேனக்கல் கூட்டு குடிநீர் திட்டம் என்ன ஆனது என்றே இதுவரை தெரியவில்லை . ரேசன் கடைகளில் அரிசி ஒரு ருபாய் மற்ற அனைத்து அடிப்படை பொருட்களும் பல மடங்கு விலையேற்றம் . இன்று நடுத்தர மக்களே வீடு கட்ட முடியாதவாறு கட்டுமான பொருட்களின் விலையேற்றம்  இருக்கும் போது ஏழை மக்களின் நிலை என்ன? 

பதவி சுகங்களை தவிர மக்கள் நலனில் சிறிதும் அக்கறையற்ற ஒரு ஆட்சி இன்று மக்களால் புறக்கணிக்க கூடியதாக இருக்கிறது . ராஜாவின் ஊழலால் ஓட்டு மொத்த தமிழகமே தலை குனிய வேண்டிய சூழல் உருவாகி இருக்கிறது.  சோனியா தலைமையிலான காங்கிரஸ் அரசோ இத்தனை நாளும் கலைஞரால் என்ன சாதிக்க முடியுமோ அதை சத்தமின்றி நாய்க்கு பிஸ்கட் கொடுத்தது மாதிரி மந்திரி பதவிகளை கொடுத்து விட்டு காரியத்தை சாதித்து விட்டார் . எல்லாம் முடிந்த பின்னர் ராஜாவையும் கழற்றி விட்டு விட்டார் . இன்று கலைஞரின் ஒரே நினைவுகள் காங்கிரஸ் நம்மை விட்டு பிரிந்து விடுமோ ? என்பது தான் அதை தான் செல்லுமிடமெல்லாம்  தன் ஏக்கங்களை பதிவு செய்து கொள்கிறார் .  மக்கள் மீது அக்கறையின்றி  நடக்கும் இந்த அரசு  அரசனை நம்பி புருசனை கை விட்ட கதை  போலாகி விட்டது .

Read More

யார் ஸ்பெக்ட்ரம் குற்றவாளி ?

         ராஜாவா ? மன்மோகன் சிங் ? சோனியா? கருணாநிதி? கனிமொழி? யார் தான் குற்றவாளி . ஒரு குற்றம் நடந்தால் அதில் குற்றவாளி யார் என விசாரித்தால் பலரும் குற்றத்தில் சம்மந்த பட்டிருப்பார்கள் . இன்று இந்தியாவையை அதிர வைத்திருக்கும் ஊழல் தான் இந்த ஸ்பெக்ட்ரம் ஊழல் . ஆசிய கண்டத்திலேயே மிக பெரிய ஊழல் இது தான் என்றும் சொல்லுகிறார்கள் . உலகின் மிக பெரிய மக்களாட்சி நாடு இந்தியாவில் தான் இப்படி நடக்கும் . 

         இந்தியா இதுவரை பல ஊழல் வாதிகளை கண்டிருக்கிறது . ஆனால் இது மிக பெரிய ஊழல் என்றே கணக்கிட படுகிறது . இப்படி ஒரு ஊழல் நடந்திருக்கிறது என்று தெரிந்தவுடனே முதன் முதலில் மாறன சகோதரர்களின் மீடியாக்களில் தான் பிரபலமாக ஊழலுக்கு எதிராக பிரச்சாரம் முன்னெடுக்க பட்டது . இது ஒரு பூதாகரமாக அமைந்து விடுமோ என எண்ணிய கலைஞர் மாறன சகோதரர்களிடம் மண்டியிட்டது வேறு . மாறன சகோதரர்களை அமுக்கி விட்டால் பிரச்னை தீர்ந்து விடும் என கணக்கு போட்ட கருணாநிதிக்கு மக்கள் விளிப்புனர்வாலும் மற்ற ஊடகங்களாலும் மத்திய கணக்கு அதிகாரிகள் மூலமாகவும் மீண்டும் பிரச்னை வந்தது . எதிர்கட்சிகள் ராஜாவை அமைச்சர் பதவியிலிருந்து நீக்க வேண்டும் . ராஜா மீது சட்ட பூர்வ நடவடிக்கை எடுக்க வேண்டும் என கோரிக்கை வைத்து நாடாளுமன்றத்தை முடக்கினர் . பின்னர் ஒரு வழியா ராஜா ராஜினமா செய்வதாக அறிவிக்க பட்டது . 

          Kindle Wireless Reading Device, Wi-Fi, 6" Display, Graphite - Latest Generation  

            ஆனால் உண்மையில் யார் குற்றவாளி? ராஜா மட்டும் தானா? கிடையாது ராஜா பலிக்கு கொடுக்க பட்ட ஆடு மட்டும் தான் .   இத்தனை கோடிகளையும் ராஜா சுருட்டியிருப்பார் என நினைத்தால் அது தான் தவறு . இந்திய அரசியல் கேளிகூத்தாட படும் போது இவ்வாறு ஊழல்கள் இருக்க தான் செய்யும் . கூட்டணி ஆட்சியை உண்மையான கூட்டாட்சி என்று ஏமாற்றி கொண்டிருக்கும் அரசியல் வாதிகள் தாங்கள் கையில் அதிகாரம் எப்போதும் நிலைத்திருக்க வேண்டும் . அதற்கு பணம் ஒன்றே போதும் என்ற குறிக்கோள்களில் தான் இந்த கொள்ளையடிப்பு சம்பவங்கள் நடைபெறுகின்றன . ஊழலை தண்டிக்க சரியான சட்டங்கள் இல்லாததால் தான் இந்த நிலை .  அப்படி ஒரு சரியான சட்டங்கள் எந்த அரசியல் நிற்பந்தங்களுக்கும் பணியாமல் இருந்திருந்தால் இன்று கருணாநிதியால் முதலமைச்சராக இருந்திருக்க முடியாது . 

               தமிழகத்திலேயே முதன் முதலாக ஒரு ஊழல் ஆட்சியை கொடுத்தவர் தான் இப்போதைய முதல்வர். அப்போதைய சர்க்காரிய கமிசன் விஞ்ஞான ரீதியில் ஊழல் செய்ய பட்டுள்ளது என அறிக்கை அளித்தது  . அரசியலுக்காக அந்த வழக்குகள் தள்ளுபடி செய்ய பட்டது எல்லாம் முடிந்து போன கதை . அந்த தைரியத்தில் தான் இவர்களால் துணிந்து ஊழல் செய்ய முடிகிறது . 

              இந்த மிக பெரிய ஊழலில்காங்கிரஸ் கட்சிக்கு பலன் இருந்ததாகவும் சொல்ல படுகிறது . அதனால் தான் கடந்த நாடாளுமன்ற தேர்தலில் ஆற்று வெள்ளம போல் பணம் இறக்க பட்டது . ஆனால் இதில் மிக பெரிய பலன் அடைந்தது திமுகவும் அதன் தலைவர் கருணாநிதியும் தான் ஊழலில் கிடைத்த லாப பணத்தை ராஜா ஒருவர் கொண்டு போக முடியாது . ராஜாவுக்கு இந்த ஊழலில் எவ்வளவு பங்கு இருக்கிறதோ அதை விட இரண்டு மடங்கு பங்கு கருணாநிதிக்கும் கருணாநிதி குடும்பத்திற்கும் இருக்கிறது . கருணாநிதியால் மட்டுமே இத்தனை கோடிக்கு ஊழல் செய்ய சிந்திக்க முடியும் . ராஜா ஒருவரால் இது முடியாது . இந்த ஊழலில் முக்கிய குற்றவாளியாக பார்த்தால் கருணாநிதியும் அவர் குடும்பமும் தான் கடைசியில் பல்கடாக்கப்பட்டார் ராஜா .

         சிலருடைய வாதங்கள் இது அரசுக்கு ஏற்பட்ட இழப்பு தானே தவிர ராஜா ஊழல் செய்ததாக எங்கேயும் சொல்லவில்லை . அவர்களுக்கு நான் சொல்லும் பதில் இத்தனை கோடி ருபாய் அரசுக்கு இழப்பு ஏற்பட்டிருக்கிறது என்பதை விட இழப்பை ஏற்படுத்தியிருக்கிறார்கள். இது திட்டமிட்டு இழப்பை ஏற்படுத்தியது . திட்டமிட்டு இழப்பை ஏற்படுத்தியதால் ஏற்பட்ட பலன் தான் ஊழல் .   இந்த ஊழலில் ராஜாவை மட்டும் பலி ஆடு ஆக்காமல் தீர விசாரித்து ஊழல் செய்து அரசுக்கு இழப்பு எற்படுத்தியவர்களை தண்டிக்க வேண்டும் . இது தான் அனைவருடைய விருப்பம் .

Read More

இளங்கோவனை பார்த்து பயந்தார்களா ? கருணாநிதி கும்பல்

இந்தியாவிலே ஊழலில் முதலிடத்தில் இருப்பது கருணாநிதி தலைமையிலான திமுக தான் என்பதில் மாற்று கருத்து இருக்க வாய்ப்பில்லை . முல்லை பெரியாறு ஆணை விவகாரத்தில் கேரளாவிற்கு ஆய்வு பணிக்கு அனுமதி கொடுக்கும் வரை கண்டு கொள்ளாமல் ( தெரியாமலிருந்திருக்குமோ ) இருந்து விட்டு எதிர் கட்சிகள் போராட்டம் நடத்திய பின்னர் வேண்டா வெறுப்பாக உச்ச நீதி மன்றத்தில் தடை உத்தரவு பெற மனு தாக்கல் செய்து வழக்கை வாதாட தெரியாமல் தமிழகத்திற்கு பாதகமான இடைக்கால தீர்ப்பை வாங்கிய பெருமை கருணாநிதிக்கே சாரும் .

மக்களின் கோபத்திலிருந்து தப்பிக்க ஆடிய நாடகம் தான் மதுரையில் நவம்பர் ஒன்றாம் தேதி மத்திய அமைச்சர் ஜெயராம் ரமேசை எதிர்த்து கண்டன கூட்டம் என அவசர கோலத்தில் பின் விளைவுகளை பற்றி அறியாமல் அறிவித்தார் . முசோலினி வம்சா வழியில் வந்த சோனியா விடுவாரா கடந்த முறை கூட்டு சேர்ந்து கொள்ளையடித்த ஸ்பெக்த்ராம் ஊழலை தோண்ட முடிவெடுத்து தடா புடலாக cpi ராஜாவின் அலுவலகம் முழுவதும் சோதனை நடத்தியது . 22000 கோடி ருபாய் அளவிற்கு ராஜா அமைச்சரவையின் கீழ் ஊழல் நடந்திருப்பதாக வழக்கு பதிவு செய்ய பட்டது .

இதை பார்த்த திமுக கொள்ளை கும்பல் பயந்து போனது வண்டவாளம் எல்லாம் வெளியில் வரும் என நினைத்து . இதனிடையே போதுக்கூட்ட்டத்தில் பேசிய தமிழ் விரோதி இளங்கோவன் திமுகவின் ஊழலை எதிர்த்து காங்கிரஸ் காரர்கள் போராட்டம் நடத்த வேண்டும் என பேசினார் . இதை எதிர் பார்க்காத திமுக கூட்டம் அவசர அவசரமாக கண்டன கூட்டம் நடை பெறாது என்றது .

இப்படி தான் நாடகமாடி சோனியாவுக்கு பல்லாக்கு தூக்கி 2 லட்சத்திற்கு மேற்பட்ட தமிழர்கள் ஈழத்திலே சாவதற்கு காரணமாகி போனார் கருணாநிதி . ஒகேனக்கல் கூட்டு குடிநீர் திட்டத்திலே காங்கிரஸ் கட்சிக்காக அந்த திட்டத்தையே கானல் நீராக்கி மூன்று மாவட்ட மக்களின் குடிநீரில் உலை வைத்தார் . இப்போது 22000 கோடி பணத்திற்காக ஐந்து மாவட்ட மக்களின் வாழ்வாதார பிரச்சனையில் தமிழர்களுக்கு எதிராக செயல் படுகிறார் .

தமிழகத்தின் இயற்கை துறைமுகமான குளச்சலில் துறைமுகம் ஏற்படுத்த மக்கள் விடுத்த கோரிக்கை கூட காற்றில் பறந்து கேரளா மாநிலத்திற்கு சென்று விட்டதாக தெரிகிறது .

இப்படியே நாள் முழுக்க சிந்த்தித்து தன் குடும்பத்திற்கு மட்டுமே உழைத்து கொண்டு ஒட்டு மொத்த தமிழினத்தின் எதிர் காலத்தை கேள்வி குறியாக்கிய கருணாநிதிக்கு தமிழர்கள் என்ன கைம்மாறு செய்ய போகிறார்களோ . முல்லை பெரியாறு விவகாரத்தில் கேரளா முதல்வர் அச்சுதானந்தன் பாராட்ட வேண்டிய அளவிற்கு கருணாநிதி நடக்கிறார் என்பது கேரளா மாநில மக்களுக்கு மகிழ்ச்சியாக இருக்கலாம் .

இதே நிலை நீடித்தால் ஒட்டு மொத்த தமிழனின் நிலை .....................

Read More

திமுக வேட்பாளர் பட்டியல் வெளியிடு ! கண்ணப்பன் செஞ்சி மாற்று வேட்பாளரா?

திமுக வேட்பாளர் பட்டியல் இன்று வெளியிடப்பட்டுள்ள்ளது .



வேட்பாளர்கள் விவரம் ...

தென் சென்னை - ஆர்.எஸ்.பாரதி.
வட சென்னை - டி.கே.எஸ். இளங்கோவன்
மத்திய சென்னை - தயாநிதி மாறன்.
திருவள்ளூர் (தனி)- காயத்ரி ஸ்ரீதரன்.
ஸ்ரீபெரும்புதூர் - டி.ஆர்.பாலு.
கள்ளக்குறிச்சி - ஆதிசங்கர்.
கிருஷ்ணகிரி - சுகவனம்.
தர்மபுரி - தாமரைச்செல்வன்.
அரக்கோணம் - ஜெகத்ரட்சகன்.
திருவண்ணாமலை - வேணுகோபால்.
பொள்ளாச்சி - சண்முகசுந்தரம்.
நாகப்பட்டனம் (தனி)- ஏ.கே.எஸ்.விஜயன்.
கரூர் - கே.சி.பழனிச்சாமி.
பெரம்பலூர் - நெப்போலியன்.
நீலகிரி (தனி) - ராசா.
தஞ்சாவூர் - பழனிமாணிக்கம்.
மதுரை - மு.க.அழகிரி.
ராமநாதபுரம் - ஜே.கே.ரித்தீஷ்.
தூத்துக்குடி - ஜெயதுரை.
நாமக்கல் - காந்தி செல்வன்.
கன்னியாகுமரி - ஹெலன் டேவிட்சன்.


மற்றும் மதிமுகவிலிருந்து சென்ற கண்ணப்பன் பொள்ளாச்சி தொகுதியில் மாற்று வேட்பாளராகவும் , செஞ்சி ராமசந்திரன் கிரிஷ்ணகிரி தொகுதியில் மாற்று வேட்பாளராக வேட்பு மனு  தாக்கல் செய்ய கட்சி தலைமை அனுமதித்துள்ளது என தெரிகிறது .

எள் கணேசன் ஏகனவே பஞ்சாயத்து தலைவராக நியமிக்கப்பட்டார் என்பது குறிப்பிடத்தக்கது .

பஞ்சாயத்து தலைவர் என்பது தேர்தல் பிரச்சனைகளை பஞ்சாயத்து செய்பவர் .

Read More